Lukàrzɛ̀ 8:37 - Mokpwe: Bakwery (New Testament)

³⁷ Hwatò hwa arzɛ hwa erzòòkà ya Gɛ̀ràrzɛ̀nì rzìi hwa òhweyà Yerzù nanù ema, a ànjìyè ò erzòòkà ya awu èhwanja wɔ̀ɔŋgɔ̀ wò mà hwa aka. Yerzù rzìi a kpèeyà ò wɔ̀lɔ̀, a tìmba è ya eni.

Lukàrzɛ̀ 8:37 Mawu Ofanana

Matiyò 8:34

Nà òma hwatò hwa eŋge mbòwà hwa ma hweye nanù, rzìi hwa wurza ò lì ɛ̀ndɛ lì ùŋma Yerzù. Nà òma hwa ma mò ɛnɛ, hwa mò rzòrzòmeyà ema a anjiye ò erzòòkà ya awu.

Makòrzì 5:17

Hwaŋga hwatò rzi hwa wòteya lì rzòrzòmeyà Yerzù ema a anjiye ò erzòòkà ya awu.

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Lukàrzɛ̀ 8:28

Nà òmà ònò mòtò a mà ɛ̀nɛ Yerzù, à mà tɛɛ nà lùwa. Rzìi à mò kpèeyà ò màtàŋgà, a òhwa nà lìlò lì kàrzàmi nanù ema, “Ìi Yerzù è Ŋmanà wà ama Lohwà lì Kàrzàmi, mamɛ ì rzɔ nà ò wa jò òhvanɛyi e? Nà ò atɛkɛ ema ò rzì nò kɔ̀kìrzɛ̀.”

Lukàrzɛ̀ 8:36

Hwàŋga hwatò ema hwà mà ɛnɛ enè eyà, hwa mà òhweyà hwanɛ̀yi hwatò nɛ Yerzù a mà wɔ̀wìrzɛ̀ òŋgò mòtò.

Lukàrzɛ̀ 8:38

Òŋgò mòtò ema Yerzù a mà wɔ̀wìrzɛ̀, rzìi a rzòrzòmeyà Yerzù ò lì mò òŋgama. Ndi Yerzù a mà mò tìmbìrzɛ̀ rzìi a mò òhweyà nanù ema,

Lukàrzɛ̀ 9:5

È hwèlì hvɛ tɛ ema hwa rzà è kàrzɛ̀ tɛ, tɔ̀ ima mbòwà è uki e anjìyè aŋga e hvùhvùhwè irzɔ̀hwɛ̀ ema jè hwèlì ò màtàŋgà ma anyu, ò lì uŋmɛ̀lɛ̀ nanù ema, wòhwe wò awu wò hwèlì nà wɔ̀.”

Lukàrzɛ̀ 9:56

Yerzù na hwà-òkòwèlì hwa eni rzìi hwa ɛ̀ndɛ ò èhvɛhvɛ mbòwà.

Hwègbèèlì 16:39

Ène ŋgàna e ma hwa gbeyà ema hwà mà ɛ̀ndɛ lì hwa atɛkɛ. Rzi hwa hwà rzòlòwa ò hwèwòwà, hwa hwà òhweyà nanù ema e hwɛ gbamù nanù ema hwa anjiye ò mbòwà ndɛnɛ ya awu.