Lukàrzɛ̀ 8:29 - Mokpwe: Bakwery (New Testament)

²⁹ À mà eyaa nanù, èhwanja Yerzù à ma hwɛ a mà kànja hwèŋgè hwèlìŋgɛ̀ hwe wòhwe ò lì mò ànjiya ò nyò. Hvònda nà hvònda tɛ ema èlìŋgɛ̀ ya wòhwe e mà mò kpèeyà, tɔ̀ hwa mò kakanà ndi na ì ŋgɔ̀kɔ̀hwi ò màa na màtàŋgà, à kɛ iŋgi ŋgɔ̀kɔ̀hwì, rzìi èlìŋgɛ̀ ya wòhwe e mò tìmbà, e mò hvàwuùmìrzɛ̀ ò mòrzanjɛ̀.

Lukàrzɛ̀ 8:29 Mawu Ofanana

Makòrzì 5:8

A ma òhwa ndi ene Èya èhwanja, Yerzù à mà hwɛ à mà màa lì òhweyà èlìŋgɛ̀ ya wòhwe nanù ema, “O wa èlìŋgɛ̀ ya wòhwe ò mò anjiye ò nyò ya eni!”

Lukàrzɛ̀ 8:28

Nà òmà ònò mòtò a mà ɛ̀nɛ Yerzù, à mà tɛɛ nà lùwa. Rzìi à mò kpèeyà ò màtàŋgà, a òhwa nà lìlò lì kàrzàmi nanù ema, “Ìi Yerzù è Ŋmanà wà ama Lohwà lì Kàrzàmi, mamɛ ì rzɔ nà ò wa jò òhvanɛyi e? Nà ò atɛkɛ ema ò rzì nò kɔ̀kìrzɛ̀.”

Lukàrzɛ̀ 8:30

Yerzù à mà mò ijòwa nanù ema, “O hwɛ̀lɛ̀hwɛ̀ ndi njɛnɛ e?” Rzìi à mò alàhwɛ̀ nanù ema, “Nà hwɛ̀lɛ̀hwɛ̀ ndi jɔ̀ɔjɔ̀ɔ.” Onò mòtò à mà òhwa ndi nanù, èhwanja hwèlìŋgɛ̀ hwe wòhwe rzayì-rzayì hwe mà mò kpèeyà ò nyò.

Lukàrzɛ̀ 9:39

Èlìŋgɛ̀ ya wòhwe e yɔki lì mò tàkirzɛ. È mò lɛ̀mbi tɛ, a tɛɛ, a kpa ò rze, e mò nyìŋgìrzɛ̀nɛ̀ natɛ̀ɛ ì njɔ̀ŋgɔ̀ ì mò wurzà ò wàna. È rza mò hwɛmɛ natɛ̀ɛ à kùwà lì hwèna.

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.