Lukàrzɛ̀ 8:28 - Mokpwe: Bakwery (New Testament)

²⁸ Nà òmà ònò mòtò a mà ɛ̀nɛ Yerzù, à mà tɛɛ nà lùwa. Rzìi à mò kpèeyà ò màtàŋgà, a òhwa nà lìlò lì kàrzàmi nanù ema, “Ìi Yerzù è Ŋmanà wà ama Lohwà lì Kàrzàmi, mamɛ ì rzɔ nà ò wa jò òhvanɛyi e? Nà ò atɛkɛ ema ò rzì nò kɔ̀kìrzɛ̀.”

Lukàrzɛ̀ 8:28 Mawu Ofanana

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Lukàrzɛ̀ 8:27

Nà òmà Yerzù a mà ùke ò rzààwà yà èŋge yùlù, à mà tàneyà mòtò ema à ma òhva hwèlìŋgɛ̀ hwe wòhwe. O mà hwɛ hvònda ema è wàwi e ma ònò mòtò a rzi hwɛ lì wɔ̀tɔ̀ tɔ̀ mààtù. À rzi hwɛ lì lìya hvɛ tɔ̀ ò ndawò. À mà hwɛ ndi lì lìya ò mòònda mò rzɔ̀ŋgɔ̀.

Lukàrzɛ̀ 8:29

À mà eyaa nanù, èhwanja Yerzù à ma hwɛ a mà kànja hwèŋgè hwèlìŋgɛ̀ hwe wòhwe ò lì mò ànjiya ò nyò. Hvònda nà hvònda tɛ ema èlìŋgɛ̀ ya wòhwe e mà mò kpèeyà, tɔ̀ hwa mò kakanà ndi na ì ŋgɔ̀kɔ̀hwi ò màa na màtàŋgà, à kɛ iŋgi ŋgɔ̀kɔ̀hwì, rzìi èlìŋgɛ̀ ya wòhwe e mò tìmbà, e mò hvàwuùmìrzɛ̀ ò mòrzanjɛ̀.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.