Lukàrzɛ̀ 8:24 - Mokpwe: Bakwery (New Testament)

²⁴ Wɔ̀ rzìi hwa ɛ̀ndɛ lì mò imòlɛ̀ ò lì mò òhweyà nanù ema, “Ìi Rzàŋgò kòkò, ìi Rzàŋgò kòkò, kàà irzɔ ja à ŋwa ò!” Yerzù rzìi a ìmòwà ò ìjɔ, a lòmeya è mbɛ̀hvɛ̀nì, nà hwèmùnɛ̀, ò wòtɛmɛ̀tɛmɛ̀ rzìi hwe lɔ̀kɔ̀meyà, èki ya arzɛ e hwɛ ŋmɛ̀ɛ̀.

Lukàrzɛ̀ 8:24 Mawu Ofanana

Matiyò 14:30

Ndi na òma à mà ɛnɛ e mbɛ̀hvɛ̀nì nɛ e aka, à mà òka wɔ̀ŋgɔ̀ rzìi a wòteya lì inda ò rze ya malìhwa rzìi a tɛ ò ŋmanyu nanù ema, “Ìi Rzàŋgò, ò nò rzuŋge.”

Matiyò 8:25

Hwà-òkòwèlì hwa eni rzìi hwa ɛ̀ndɛ lì mò ìmòlɛ̀ hwa mò òhweyà nanù ema, “Ìi Rzàŋgò kòkò, ò jò rzùŋge! Kàà irzɔ ja à ŋwa!”

Makòrzì 4:39

Yerzù rzìi a tɛ̀mɛ̀ ò ŋmanyu a lòmeyà e mbɛ̀hvɛ̀nì nanù ema e yɔ̀yeyà, rzìi a òhweyà hwèmùnɛ̀ ema hwe lɔ̀kɔ̀meyà, è mbɛ̀hvɛ̀nì e yɔ̀yeyà rzìi èki ya arzɛ hvɛ e hwɛ ŋmɛ̀ɛ.

Lukàrzɛ̀ 4:35

Yerzù à mà kànèyà èŋge èlìŋgɛ̀ ya wòhwe nanù ema, “Andama! O mò wurze ò nyò.” Rzìi èŋge èlìŋgɛ̀ ya wòhwe e kpìrzɛ̀ òŋgò mòtò ò rze, ò ìtììtènì ja hwatò hwa arzɛ, rzìi e mò wurza ò nyò, e rzì hwɛ lì mò hwènirzɛ.

Lukàrzɛ̀ 4:39

Yerzù rzìi a tòmbeya ò tòŋgòŋgò yà èni, a ujama rzi a kànja èŋge ŋgɔwu ema e mò hwɛ̀mɛ̀, ò wòtɛmɛ̀tɛmɛ̀ èŋge ŋgɔwu rzìi e mò hwɛ̀mɛ̀. Rzìi à tɛ̀mɛ̀ a hwa kàrzɛ̀.

Lukàrzɛ̀ 5:5

Rzìmɔ̀nì à mà tìmbirzɛlɛlɛ nanù ema, “Rzàŋgò kòkò, ì kòmeyayi ì mbunja ja arzu wuwu wò arzɛ, ndi ì rza lɛ̀mbì tɔ̀ yòmà! Ndi nà gbeyà na òmà ò òhwi.”

Lukàrzɛ̀ 8:25

Yerzù rzìi a ijòwa hwà-òkòwèlì hwa eni nanù ema, “O èŋgànɛ̀lɛ̀ e rza nò lòkɛ̀ e?” Hwa mà ònda nà wɔ̀ŋgɔ̀ nà hwètàmìrzèlì, rzìi hwa wòteya ò lì àyìjòwànɛ̀ mɔ̀kɔ nà ɔ̀nɛ̀yi nanù ema, “Ima nyayi yà mòtò ònò e? Èma à kànèyà è mbɛ̀hvɛ̀nì nà hwèmùnɛ̀ hwe malìhwa, rzìi hwe mò hweyànà e?”