Lukàrzɛ̀ 8:21 - Mokpwe: Bakwery (New Testament)

²¹ Yerzù rzìi a hwa tìmbirzɛlɛlɛ nanù ema, “È nyàŋgò wa ami, nà wònyanyàŋgò hwa ami hwa hwèlì ndi, è wɔ̀ ema hwa òkànèyà Eyà ya Lohwà, rzìi hwa gbeyà mamɛ e òhwì.”

Lukàrzɛ̀ 8:21 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 25:45

Ndi eŋge Kiŋgɛ e hwa alàhwɛ̀ nanù ema, ‘Nà e òhweyà na e jɔ̀kɛ̀ ema, tɔ̀ ima lìrzakò ema e ma rzɔ̀rzè ò lì gbeyà hwanù wònyànyàŋgò wa ami ema hwa rza òhvɛ hwe tɛmelì, imba ndi e ma rzɔ̀rze lì gbèeyà nanù.’

Matiyò 28:10

Yerzù rzìi a hwa òhweyà nanù ema, “È rza òka wɔ̀ŋgɔ̀. È ɛ̀ndɛ e òhweyà hwà-òkòwèlì wa ami ema hwa hwèlì ndi nàa wònyànyàŋgò wa ami ema hwa ɛ̀ndɛ ò Galìlì. Aŋga ndi hwa nò ɛnɛ.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Lukàrzɛ̀ 8:20

Mòtò mɔ̀kɔ rzìi a òhweyà Yerzù nanù ema, “È nyàŋgò, nà wònyanyàŋgò, hwa aŋgɔ̀ hwa tɛmì ò èwòkà. Hwa àrza lì ò ɛnɛ̀.”

Yòwanìrzɛ̀ 13:17

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

2 Kɔ̀rintìyà 5:16

Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.

2 Kɔ̀rintìyà 6:18

Imba na o ò hwɛ e Tatɛ̀ hwa anyu, inyɔ hvɛ e o hwɛ hwàànà hwa ami. Imba Lòohwà ema lì karzami, imba ndi na ohwa nanù.”

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.