Lukàrzɛ̀ 8:20 - Mokpwe: Bakwery (New Testament)

²⁰ Mòtò mɔ̀kɔ rzìi a òhweyà Yerzù nanù ema, “È nyàŋgò, nà wònyanyàŋgò, hwa aŋgɔ̀ hwa tɛmì ò èwòkà. Hwa àrza lì ò ɛnɛ̀.”

Lukàrzɛ̀ 8:20 Mawu Ofanana

Makòrzì 6:3

Rzèke ònò mòtò à hwèlì ndi kaminda e? Rzeke e ŋmanà wà mà Màlìyɛ̀ ònò e? Rzeke wònyànyàŋgò hwa eni hwa hwèlì ndi Jèmìrzì, Jòrzɛ̀hvù, Jùdà na Rzìmɔ̀nì, e? Rzeke ì ndòmɛ ja eni ì hwèlì ò mbòwà na irzɔ e?” Rzìi hwa mò tatana.

Lukàrzɛ̀ 8:19

Nàŋgɛ rzɔ, Yerzù nyàŋgɛ nà wònyanyàŋgò hwa eni hwa mà jà ò lì mò ɛnɛ̀. Ndi hwa rzi tanɛ̀ lì mò kòmbɛ̀nɛ̀, èhwanja è ŋgìndì, ema è ma mò tòŋgà è mà aka lì kòka.

Lukàrzɛ̀ 8:21

Yerzù rzìi a hwa tìmbirzɛlɛlɛ nanù ema, “È nyàŋgò wa ami, nà wònyanyàŋgò hwa ami hwa hwèlì ndi, è wɔ̀ ema hwa òkànèyà Eyà ya Lohwà, rzìi hwa gbeyà mamɛ e òhwì.”

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

1 Kɔ̀rintìyà 9:5

Irzɔ̀ ì rza hwɛnì wònjà ya lì ahwànà jòjìyɛ̀ ema e hwèlì ndì mɔ̀nɔ̀ŋgèlì mɔ̀kɔ wa ama Krirztò na irzɔ e? Nà oma inɛyi àpɔ̀rzìtòlò i gbeyà e? Rzeke nanù ndi wònyanyàŋgò wa ama e Rzàŋgo na Pètrò hwa gbeyà e?

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.