Lukàrzɛ̀ 8:16 - Mokpwe: Bakwery (New Testament)

¹⁶ “Mòtò à rza tanɛ̀yi lì hvààlɛ̀ etùlù rzìi a e hwanda na èwòkì, tɔ̀ ò lì e ika ò rze yà lìnɔ̀ŋgɔ̀. Mòtò à hvààlɛ̀ tɛ ètùlù, à e ikà ndi ò ŋmanyu ya e mbòkò ema hwètùlù hwe tɛ̀mɛ̀, ema tɔ̀ njɛnɛ ema a kpèeyà ò ndawò à ɛnɛ̀ ŋmàye.

Lukàrzɛ̀ 8:16 Mawu Ofanana

Lukàrzɛ̀ 11:33

“Mòtò à rza tanɛ̀ lì hvààlɛ̀ ètùlù rzìi a e uta, tɔ̀ lì e utà ò rze ya èwòkì. À e ikà ndi ò mbòkò ema ètùlù e tɛ̀mɛ̀ ò lì arza nanù ema tɔ̀ njɛnɛ ema a kpèeyà ò ndawò, a ɛnɛ ŋmàye mò èŋge ètùlù.

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 11:4

Ini mboŋgi jà ahwakɛ, wɔ̀ ndi hwa hwèlì màyi màahwàkɛ̀ mà Njàhwɛ̀ nà mboko ihwakɛ ema hwètùlù hwe tɛ̀mɛ̀, ema hwe tɛ̀mì ò worzo wò ama è Rzàŋgo ema à kànèyà è rze yà mɔ̀nyɛ̀.