Lukàrzɛ̀ 8:12 - Mokpwe: Bakwery (New Testament)

¹² Iŋgi hvɔ̀ŋgɔ̀ ema ì mà undìrzɛ̀hwɛ̀ ò njìya, ì tɛmelì ndi hwatò ema hwa hweyà Eyà yà Lohwà, ndi Mòkarzɛ̀ à jà rzìi à hwa ulɛnɛ̀ è yɔ̀ ò mèèmà mè awu, ò lì àrza nanù ema hwa rzì lòkɛ̀ Lohwɛ̀, nà ò lì arza hvɛ nanù ema hwa rzà rzùŋgàhwa.

Lukàrzɛ̀ 8:12 Mawu Ofanana

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:4

Nà òmà à mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, hwènɔ̀nì hwe mà ji rzòmà.

Makòrzì 4:15

Lòŋgò là hwatò hwa gbèyi ndi nàa ì hvɔ̀ŋgɔ̀ ema ì mà unda ò njìya. Hwa hweyi tɛ Èya yà Lohwà lìwòkìmɛnɛ Mòkarzɛ̀ à jà à è ulɛ̀ ò mèèmà mè awu.

Lukàrzɛ̀ 8:11

“Inyɛ̀ nà è tɛlɛlɛ mònò ŋmàna. Èŋge hvɔ̀ŋgɔ̀ è hwèlì ndi Eyà yà ama Lohwɛ̀.

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Lukàrzɛ̀ 8:5

“Mòònèlì wà mbòtà mɔ̀kɔ à mà hwɛ lì mùŋgùlɛ̀ ihvɔ̀ŋgɔ̀. Nà òmà a mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, ò èŋgànɛ̀lɛ̀ na òma hwatò hwà mà akeyà aŋga hwà mà ji làalà. Hwènɔ̀nì hwe mà ji rzòmà.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.