Lukàrzɛ̀ 8:10 - Mokpwe: Bakwery (New Testament)

¹⁰ Yerzù à mà hwa alàhwɛ̀ nanù ema, “Lohwɛ̀ à è ŋgbèlì è wònjà yà lì hwiyà ìwùndɛ̀ jà Lìkànèyà là ama Lohwɛ̀. Ndi hwanɛ̀yi hwatò hwa arzɛ hwa hweyànà ndì Lìkànèyà là ama Lohwɛ̀ nàa meyànà aŋga nanù, tɔ̀ nɛ̀ hwa ɔ̀ŋgɔ, hwa rzà èmba, hwa hweyà, ndi hwa rzà rzɔ̀ŋgìtɛ̀nɛ̀.

Lukàrzɛ̀ 8:10 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Makòrzì 4:11

À mà hwa òhweyà nanù ema, “Lohwɛ̀ à è ŋgbèlì è wònjà ò lì hwiyà è wùndɛ̀ yà Lìkànèyà la ama Lohwɛ̀. Ndi ò hwanɛ̀yi hwatò Lohwɛ̀ à hwa gbèyi ò lì hwiyà hwenè hweyà ò meyànà mɛ̀nɛ̀.

Makòrzì 4:12

À mà gbeyà ndi nanù ema, tɔ̀ hwa ɛnɛ̀ hwa rzà èmbàneyà, tɔ̀ hwa hweyà hwa rzà rzɔ̀ŋgìtɛ̀nɛ̀, èhwanja hwa rzɔ̀ŋgìtɛ̀nɛ̀yi tɛ hwa tìmba ò mà Lohwɛ̀ òma à mà hwa làkìrzɛ̀.”

Yòwanìrzɛ̀ 12:40

“Lohwɛ̀ à mà tìmbìrzɛ̀ mììrzɔ̀ mà awu ndima, rzìi à hwa ŋgbà hvɛ mèèmà ema me eti, aŋga nanù hwa rza ɛnɛ, ndèŋgàna hwa rza rzɔ̀ŋgìtɛ̀nɛ̀. Aŋga nanù hwa gbe tɛ nanù hwa nò tìmbeyà òma nà mà hwa wɔ̀wìrzɛ̀.”

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.