Lukàrzɛ̀ 7:7 - Mokpwe: Bakwery (New Testament)

⁷ Nà rza ukì hvɛ tɔ̀ nàa mɔ̀kɔ ema à tanɛ lì ò jèeya. Ohwa ndi eyà yɔ̀kɔ mɛnɛ aŋga nanù, e mògbèèlì wa amì à mà wɔ̀wɔ̀.

Lukàrzɛ̀ 7:7 Mawu Ofanana

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

Lukàrzɛ̀ 5:13

Yerzù à mà enyòwa lìya la eni, rzìi a lì hwàkɛ òŋgò mòtò ò nyò ya eni, rzìi a òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ èŋge nyàmbɛ e nyɔ̀ŋgɔ̀.

Lukàrzɛ̀ 7:6

Yerzù rzìi à ɛ̀ndɛ nà wɔ̀, ndèŋgàna hwe uka ò ndawò yà ama òŋgò mòkànèlì rzìi à òma ì mbunda jà eni ò lì òhweyà Yerzù nanù ema, “Ì Rzàŋgò ò rzà atàkìrzɛ̀, nà rza uki hvɛ tɔ̀ òŋgò ema à tànɛyi lì ò karzɛ nàa ŋmɛ̀nì ò ndawò yà ami.

Lukàrzɛ̀ 7:8

Imba mbiti na hwèlì ndi mòtò ò rze ya lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wa njuma nanù ema, ‘Ɛ̀ndɛ,’ ndèŋgànɛ̀lɛ̀ a ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ a jà. Nà òhweyà hvɛ e mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”