Lukàrzɛ̀ 7:43 - Mokpwe: Bakwery (New Testament)

⁴³ Rzìmɔ̀nì à mà tìmbirzɛlɛlɛ nanù ema, “Òŋgò ema à ma hwɛnɛ lìyɛmɛ lì ndɛnɛ̀.” Yerzù à mà mò alàhwɛ̀ nanù ema, “Ò hvòmɛ̀nɛ̀yi.”

Lukàrzɛ̀ 7:43 Mawu Ofanana

Matiyò 18:27

Eŋge kiŋgɛ ya ama òŋgò mògbèèlì e mò kpeya ììlì rzìi e mò làkìrzɛ̀ ò lìŋgi lìyɛmɛ rzìi à mà hwɛmɛ ema a ɛndɛ.

Makòrzì 12:34

Nà òmà Yerzù à ma ɛnɛ nanù ema òŋgò Mòòkòlèlì wa mbenda a alàhwɛ̀ nà lìhwiyè, rzìi a mò òhweyà nanù ema, “Ò rza rzɔ̀lɛnɛ nà Lìkànèyà là ama Lohwɛ̀.” O mburzà nanù tɔ̀ mòtò a rzi tanɛ lì ijòwa hvɛ Yerzù tɔ̀ miijòwelì.

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

Lukàrzɛ̀ 7:42

Tɔ̀ mɔ̀kɔ hwà àwu à rzi òhvè maŋga màŋgilìmànì, ò lì mò tìmbìrzɛ̀lɛ̀lɛ̀ wòlì wò eni. Òŋgò mòtò rzìi à hwa làkìrzɛ̀, rzìi a tìtòwa mayɛmɛ ma awu. O hwaŋga hwatò hwahwàkɛ, ima mɔ̀ à mò lìŋgànà lì akà e?”

Lukàrzɛ̀ 7:44

À mà àyèŋgòwɛ̀lɛ̀lɛ̀ òŋgò mòlanà, rzìi a òhweyà Rzìmɔ̀nì nanù ema, “Rzeke ò ɛnɛ̀ ònò mòlanà e? Nà kpèelì ò ndawò ya aŋgɔ̀, ò rza nò ŋgbèlì tɔ̀ màlìhwa ò lì rzòrza màtàŋgà ma amì. Ndi ònò mòlanà mɔ̀, a rzòrzi matàŋgà ma ami, nà mììrzɔ̀lì ma eni. À mà ɛmbirzɛnɛ hvɛ nà lìhvùmbu la eni.

Lukàrzɛ̀ 7:47

O lì òhwà la jɔ̀kɛ̀, è ndìŋgɛ ema ò nò mòlanà a nò uŋmɛ̀lɛ̀, e mò jànelì lì làkìrzɛ̀nɛ̀ la wòhwe wa eni wa àrzɛ. Tɔ̀ njɛnɛ ema a lù lìlàkìrzɛ̀nɛ̀ lìrzàlì a uŋmɛ̀lɛ̀ hvɛ ndi ndìŋgɛ rzàlì.”