Lukàrzɛ̀ 7:42 - Mokpwe: Bakwery (New Testament)

⁴² Tɔ̀ mɔ̀kɔ hwà àwu à rzi òhvè maŋga màŋgilìmànì, ò lì mò tìmbìrzɛ̀lɛ̀lɛ̀ wòlì wò eni. Òŋgò mòtò rzìi à hwa làkìrzɛ̀, rzìi a tìtòwa mayɛmɛ ma awu. O hwaŋga hwatò hwahwàkɛ, ima mɔ̀ à mò lìŋgànà lì akà e?”

Lukàrzɛ̀ 7:42 Mawu Ofanana

Matiyò 18:27

Eŋge kiŋgɛ ya ama òŋgò mògbèèlì e mò kpeya ììlì rzìi e mò làkìrzɛ̀ ò lìŋgi lìyɛmɛ rzìi à mà hwɛmɛ ema a ɛndɛ.

Matiyò 18:34

È kiŋgɛ e ma tata rzayi-rzayi, ò èŋgànɛ̀lɛ̀ e ma aŋgɛ òŋgò mògbèèlì ò hwèwòwà ema hwa mò tàkìrzɛ̀ natɛ̀ɛ a ò rzawa lìyɛmɛ la eni la arzɛ.”

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Lukàrzɛ̀ 7:43

Rzìmɔ̀nì à mà tìmbirzɛlɛlɛ nanù ema, “Òŋgò ema à ma hwɛnɛ lìyɛmɛ lì ndɛnɛ̀.” Yerzù à mà mò alàhwɛ̀ nanù ema, “Ò hvòmɛ̀nɛ̀yi.”

Ròmànì 3:24

È ndèli ya ama Lohwɛ̀ e ma gbeyà Lohwɛ̀ ò lì wòwa hwatò nàa hwatò ema hwa emàyilɛ̀hwɛ̀yi ò wòrzò wò eni. A ma ŋgbàà e ndèli ya eni ò ŋgundu. A ma gbeyà nanù lì akeyà na Yerzù Krirztò mɔ̀ ema à mà rzuŋga hwatò ema hwa mò lòkɛ̀yì.

Ròmànì 5:6

Ò è hvònda ema i rzi hwɛnɛ ŋginyà ò lì àwòŋgòwànɛ̀ irzɔ hwiti, Krirztò à mà jò ŋwèeyà irzɔ hwatò hwa wòhwe ò e hvònda ema Lohwɛ̀ à mà tɛ̀yirzɛ.

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 4:32

Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.