Lukàrzɛ̀ 7:39 - Mokpwe: Bakwery (New Testament)

³⁹ Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Lukàrzɛ̀ 7:39 Mawu Ofanana

Matiyò 20:16

Yerzù rzìi a umbana mòŋgò ŋmàna ò lì òhwa nanù ema, ‘O èŋgànɛ̀lɛ̀ rzɔ, e mɔ̀ ema a hwèlì ò mburza, mɔ̀ ndi à ò hwɛ ò wòrzò, e mɔ̀ hvɛ ema a hwèlì ò wòrzò mɔ̀ ndi à ò hwɛ ò mburza.’”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Makòrzì 7:21

Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ.

Lukàrzɛ̀ 12:17

Èŋge èhwàŋgì ya mòtò rzìi ya à òhwa ò ŋmèma mò eni nanù èma, ‘Nà rza òhvi èki ema na tànɛyi lì ùta è rzaa ya àrzɛ yà amì. Mamɛ na tànɛyi lì gbeyà e?’

Lukàrzɛ̀ 15:2

Ihvàlìrzàyì nà hwà-òkòlèlì wa mbenda hwa mà wòteya lì àyiŋgòwɛ̀ nanù ema, “È ɔŋgɔ̀ tɛ, ònò mòtò à ɛndɛ̀ nà hwatò hwa wòhwe natɛ̀ɛ nà lì làalɛnɛ̀ nà wɔ̀.”

Lukàrzɛ̀ 16:3

Òŋgò mògbèèlì rzìi a akònɛ hvɛ mɔ̀ ŋmìti nanù ema, ‘Nà gbeyà rzɔ ndi nɛ e? Nàŋgɛ ema rzàŋgò wà amì arza lì nò ulɛ̀ ò èwòlò e? Nà rza òhvi tɔ̀ màyìmbì ma lì gbeyà hwèwòlò ema hwe èèti. Nà òkà hvɛ ìrzɔnì ò lì ɔmbɔ̀.

Lukàrzɛ̀ 18:4

O hwèwòtelì òŋgò mòkàyìrzèlì wà mbenda, à rzìi imànɛ̀lɛ̀. O lìrzukù, à mà òhwanɛ̀lɛ mɔ̀ ŋmìti nanù ema, ‘Tɔ̀ nɛ na rzà ŋgbà Lohwɛ̀ èluhwe, ndèŋgàna na rzà òka hwatò wɔ̀ŋgɔ̀,

Lukàrzɛ̀ 3:8

Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Lukàrzɛ̀ 7:37

Mòlanà mɔ̀kɔ ema à mà ònda nà wòhwe ò èŋge mbòwà, à mà hwèye nanù ema Yerzù à lèeyà ò èŋge ndawò yà ama èŋge Hvàlìrzàyì, à mà jànà kòhwà ema è ma ònda nà lìyɔki là hvɛ̀ɛ̀hvɛ̀.

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Lukàrzɛ̀ 7:40

Yerzù rzìi a mò òhweyà nanù ema, “Rzìmɔ̀nì nà òhvì eyà ò lì ò òhweyà.” Rzìi èŋge Hvàlìrzàyì hvɛ a mò alàhwɛ̀ nanù ema, “Mòòkòlèlì, ò nò òhweyà.”

Yòwanìrzɛ̀ 4:19

Oŋgò mòlanà à mà hweye nanù rzìi a òhweyà Yerzù nanù ema, “Ìi Rzàŋgò kòkò, na ɛnɛ ema ò hwèlì ndi mòòhwèlì wà èlìŋgɛ̀.

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”