Lukàrzɛ̀ 7:37 - Mokpwe: Bakwery (New Testament)

³⁷ Mòlanà mɔ̀kɔ ema à mà ònda nà wòhwe ò èŋge mbòwà, à mà hwèye nanù ema Yerzù à lèeyà ò èŋge ndawò yà ama èŋge Hvàlìrzàyì, à mà jànà kòhwà ema è ma ònda nà lìyɔki là hvɛ̀ɛ̀hvɛ̀.

Lukàrzɛ̀ 7:37 Mawu Ofanana

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 5:30

Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Lukàrzɛ̀ 5:32

Nà rza jɛ̀lɛ̀lɛ̀ ndi lì hwɛlɛ hwaŋga hwatò ema hwa tɛmi ehve-ehve na Lohwɛ̀, ndi nà jèlì ndi ò lì hwɛlɛ è wɔ̀ hwa wòhwe, ò lì tìkòwà.”

Lukàrzɛ̀ 7:34

È Ŋmanà wà e Mòtò wà Hwènàmà, à jelì, à làa mòlelì, à nyɔ mììmba, inyɔ ema, ‘È mò ɔ̀ŋgɔ aŋga, à òndì njɔ̀ŋgu. À òndi mbòma, à hwèlì hvɛ ndi è mbunda yà hwàrzàŋgèlì hwa njàŋge ya lìkànèyà, nà hwatò hwa wòhwe.’

Lukàrzɛ̀ 7:36

Mòtò mɔ̀kɔ wà Hvàlìrzàyì à mà yòwɛ Yerzù ò ndawò yà eni, ò lì làa nà mɔ̀. Yerzù à mà ɛ̀ndɛ ò ndawò yà ama òŋgò mòtò, rzìi a lìya ò hwèleèlì.

Yòwanìrzɛ̀ 11:2

Manù Màlìyɛ̀ ndi mà hwèlì è mɔ̀ ema à mà nyàlɛ̀ lìyɔ̀ki là hvɛ̀ɛ̀hvɛ̀ ò màtaŋgà ma mà Rzàŋgò rzìi à mà titòwàna lìhvumbu là eni. Ndòmɛ̀ wà eni Làrzàrɔ̀rzì ndi à mà hwɛ lì ɔ̀kirzɛ̀.

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”

Yòwanìrzɛ̀ 9:31

I hwi nanù ema Lohwɛ̀ a rza alàhwɛ̀ màkanɛ̀ ma hwatò hwa wòhwe, ndi à alàhwɛ̀ ndi màkanɛ̀ ma hwatò ema hwa mò ŋgba èluhwe na lì gbeyà mamɛ ya arzɛ ema a arza.

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

1 Tìmotì 1:9

Lohwɛ̀ a rza gbèelì ndi e mbenda o hwaŋga hwatò ema hwa tɛmi ehve-ehve. Lohwɛ̀ mɔ̀ à ika ndi e mbenda o hwaŋga hwatò ema hwa rza hweyàna e mbenda, na o hwatò ema hwa rza gbeyà mamɛ ema mɔ̀ à arza. È mbenda ya ama Lohwɛ̀, e hwèlì ndi o hwaŋga hwatò ema hwa rza ohve Èlìŋgɛ̀ ya Lohwà na o hwaŋga hwatò ema hwa gbèeyà wòhwe. È mbenda ya ama Lohwɛ̀ e hwèlì ndi o hwaŋga hwatò ema hwa rza oka Lohwɛ̀ wɔ̀ŋgɔ̀ na o hwatò hvɛ ema hwa ohwa hweyà hwe wòhwe lì teŋgɛ̀nɛ Lohwɛ̀. Lohwɛ̀ à mà gbeyà e mbenda o hwaŋga hwatò ema hwa oŋwa i tatɛ̀ na i nyàŋgo ja awu, na o hwaŋga hvɛ ema hwa oŋwa hwahvɛhvɛ hwatò.

1 Pètrò 4:18

Nà oma e tìlahwì o kààtì ya Lohwà nanù ema, “È hwèlì tɛ nanù ema e ambi ema hwatò ema hwa tɛmi ehve-ehve hwa rzùŋgàhwè, nɛ rzɔ yo ò hwɛ̀ɛ na hwaŋga hwatò ema hwa gbeyà wòhwe na hwaŋga ema hwa rza lòkɛ̀ Lohwɛ̀ e?”