Lukàrzɛ̀ 7:29 - Mokpwe: Bakwery (New Testament)

²⁹ (È ŋgìndì ya àrzɛ, nà hwàrzàŋgèlì hwa njàŋge yà lìkànèyà ema hwa mà hwèya nanù, hwa mà emeyà ema Lohwɛ̀ à hvòmɛ̀nɛ̀yi. Wɔ̀ hvɛ ndi hwà mà hwɛ hwaŋga ema hwà mà emeyà lì lùhwìrzɛ̀ lì ama Yòwanìrzɛ̀.

Lukàrzɛ̀ 7:29 Mawu Ofanana

Matiyò 5:46

O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Lukàrzɛ̀ 20:6

Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 3:12

Hwarzàŋgèlì hwa njàŋge yà lìkànèyà wɔ̀ hvɛ hwa mà jà ema a hwa lùhwìrzɛ̀. Rzìi hwa mò ijòwa nanù ema, “Ìi Mòòkòlèlì mamɛ ì tànɛyì lì gbeyà e?”

Lukàrzɛ̀ 7:28

Ò jɔ̀kɛ̀ ò rza ènje tɔ̀ mòtò tɔ̀ mɔ̀kɔ à ŋyààhwì lùùŋgà la mòlanà anù rze, ema à akayi Yòwanìrzɛ̀. Ndi tɔ̀ nanù, e mòtò ema mɔ̀ ndi à hwèlì e wa lìrzùkù ò ìtììtènì ja lìkànèyà la ama Lohwɛ̀, mɔ̀ à akayi Yòwanìrzɛ̀.”

Lukàrzɛ̀ 7:35

Ndi ò lìrzukù tɔ̀ ima mòtò ema à hwɛnì lìhwiyè, a òhwa nanù ema e njiya ya ama Lohwɛ̀ è hvòmɛ̀nɛ̀yi.”

Hwègbèèlì 18:25

A ma òkòwa hweyà hwe e njiya ya ama e Rzàŋgò. A ma òhwa, na lì òkòlɛ hwatò hweyà lì hvòmɛ̀nɛ̀ Yerzù nyayi ema e ma hvòmɛ̀nɛ̀ na e nyɔ̀ŋgi ya eni ya arzɛ. A ma hwiya ndi lì lùhwìrzɛ̀ la ama Yòwanìrzɛ̀ mɛnɛ.

Hwègbèèlì 19:3

Pàwolò rzi a hwa ijòwa nanù ema, “Ima ŋgana lì lùhwìrzɛ̀ rzɔ ema inyɔ e ma luwe e?” Hwà mà mò alàhwɛ̀ nanù ema, “È nyayi ya lì lùhwìrzɛ̀ la ama Yòwanìrzɛ̀.”

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.

Hwèwulùwèlì 16:5

Nà mà hweyà e aŋgèlì ema e ma hwɛ o lì kànèyà malìhwa e ohwa nanù ema, “O wa o tɛmi ehve-ehve o hwene hwèkàyìrzèlì ema o gbèyi. O wa ema o hwèlì, ndeŋgànɛlɛ ema o ma hwɛ. O wa ema o hwèlì wòtani.