Lukàrzɛ̀ 7:26 - Mokpwe: Bakwery (New Testament)

²⁶ È na òhweyà rzɔ mamɛ ema inyɔ e ma wurze ò lì ɛndɛ lì ɛnɛ e? Mòòhwèlì wà Èlìŋgɛ̀ ndi e ma arze lì ɛnɛ e? Ò jɔ̀kɛ̀ inyɔ e ma ɛnɛ mòtò ema a akayi Mòòhwèlì wà Èlìŋgɛ̀.

Lukàrzɛ̀ 7:26 Mawu Ofanana

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 20:6

Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 7:25

Mamɛ ema inyɔ e ma ɛ̀ndɛ lì ɔ̀ŋgɔ e? Mòtò ema à mà wɔ̀tɔ̀ lìwɔtì la gbamù e? Hwatò ema hwa wɔ̀tɔ̀ iŋgi nyayi ja màwɔ̀tì, ema hwa hwi hvɛ lì a òhvɛ̀lɛ̀ la awu, hwa lìya ndi ò màndawò ma hwàkànèlì.

Lukàrzɛ̀ 7:27

Yòwanìrzɛ̀ ndi à hwèlì e mɔ̀ ema hwà mà hwɛ lì òhwa lìrzakò ema hwà mà tìle e mbɔrzi ema Lohwɛ̀ a òhwi nanù ema, ‘Ɔ̀ŋgɔ tɛ, na òmà mèèrzènjà me ami ò lì ɛ̀ndɛ ò wòrzò wò aŋgɔ̀ a ò rzèkeyà e njiya ya aŋgɔ̀.’

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.