Lukàrzɛ̀ 7:24 - Mokpwe: Bakwery (New Testament)

²⁴ Nà òmà mèŋge mèrzènjà mè ama Yòwanìrzɛ̀ mè mà tìmbe, Yerzù rzìi à wòteyà lì òhweyà è ŋgìndì lì hvòmɛ̀nɛ̀ Yòwanìrzɛ̀. À ma hwa ijòwa nanù ema, “È hvònda ema e ma anjiye lì ɛndɛ lì ùŋma Yòwanìrzɛ̀ ò mòrzànjɛ̀, mamɛ inyɔ e mà ɔ̀ŋgɛ̀lɛ̀ nanù ema è ma ɛnɛ e? È mà ɛnɛ ndi yàlì ema è mbɛ̀hvɛ̀nì e nyìŋgìrzɛ̀nɛ̀ e?

Lukàrzɛ̀ 7:24 Mawu Ofanana

Lukàrzɛ̀ 1:80

Yòwanìrzɛ̀ à mà òŋgà, Èlìŋgɛ̀ ya ama Lohwɛ̀ e mà mò ŋgba màyìmbì. À mà lìya ò mòrzànjɛ̀, natɛ̀ɛ nà è hvònda ema a mà wòteya lì òhweyà hwatò hwa Irzàyɛ̀lì Eyà ya Lohwà ò mòte.

Lukàrzɛ̀ 7:23

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Lukàrzɛ̀ 7:25

Mamɛ ema inyɔ e ma ɛ̀ndɛ lì ɔ̀ŋgɔ e? Mòtò ema à mà wɔ̀tɔ̀ lìwɔtì la gbamù e? Hwatò ema hwa wɔ̀tɔ̀ iŋgi nyayi ja màwɔ̀tì, ema hwa hwi hvɛ lì a òhvɛ̀lɛ̀ la awu, hwa lìya ndi ò màndawò ma hwàkànèlì.

Yòwanìrzɛ̀ 1:23

Yòwanìrzɛ̀ rzìi à hwa tìmbìrzɛ̀lɛ̀lɛ̀ nà è mbɔrzi ema è mòòhwèlì wà èlìŋgɛ̀ Àyìrzayà à mà òhwe nanù ema, “Imba ndi nà hwèlì lìlò là ama è mòtò ema akɛ̀lɛ̀ njàmbɛ̀ ò mòrzanjɛ̀ nanù ema, ‘È tɛ̀nɛ̀nɛ̀ ì njìya jà hweyàkèlì hwe eni.’”

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

2 Pètrò 2:17

Hwanu hwatò hwa hwèlì ndi nàa hwetùŋgu hwe màlìhwa ema hwe rzɔ̀njɔ̀. Wɔ̀ hwa hwèlì ndi nàa lìmbàki ema mùùlì mò lìŋgòwànà. Lohwɛ̀ à mà màà lì hwa rzekeya èki ò tenì yà jììtìtì ndɛnɛ.

2 Pètrò 3:17

Ndi inyɔ, imbùnda ja ami e ma màa lì hwiya hwene hweyà. O eŋgànɛ̀lɛ̀ rzɔ, e hwɛ ndi o lì ijàneyà kɔ̀yi-kɔ̀yi, aŋga nanù hwatò ema hwa rza ika imbenda ja ama Lohwɛ̀, hwa rzi e gbèeyà e kpa na hwèyòkòlèlì hwe awu hwe wòhwe ema wɔ̀ hwa e okolɛ. Inyɔ e oŋgami tɛ hwèyòkòlèlì hwe awu hwe wòhwe nanù oma lìlòkɛ̀ la anyu lì rza tɛ̀mɛ̀.