Lukàrzɛ̀ 7:22 - Mokpwe: Bakwery (New Testament)

²² Yerzù à mà tìmbìrzɛ̀lɛ̀ hwà-òkòwèlì hwa ama Yòwanìrzɛ̀ nanù ema, “È tìmbè e òhweyà Yòwanìrzɛ̀ mamɛ ema e ɛnì nà mamɛ ema e hweyi. È mò òhweyà nanù ema, hwatò ema hwà mà hwɛ ndima hwa ɛnɛ̀, è wɔ̀ hvɛ ema hwà mà hwɛ mbòkò wɔ̀ hvɛ hwa ɛ̀ndɛ, hwaŋga hwatò hvɛ ema hwà mà hwɛ̀nɛ̀ e nyàmbɛ ya mɛ̀lɔ̀ŋgɔ̀ wɔ̀ hvɛ hwà mà tànìrzɛ̀hwɛ̀. Hwàŋga hwatò hwa hwètòòtò wɔ̀ hvɛ hwa hweya, è wɔ̀ hwa ŋwelì hwa tìmbì hvɛ ò lòŋgɛ, ndèŋgànɛlɛ Ŋmɛ̀ndì mò Gbamù mò òhwàyɛ̀lɛ̀hwɛ̀yi mèlìrzà me hwatò.

Lukàrzɛ̀ 7:22 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 21:14

Hwàŋga hwatò ema hwà mà ɔ̀kirzɛ̀ e nyàmbɛ ya ndima na mbòkò hwà mà mò jèeyà ò tenì ya e Ndawò yà Lohwà ya màkanɛ̀, ndèŋgànɛ̀lɛ̀ à mà hwa wɔ̀wìrzɛ̀.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 7:21

Lirzàkò ema hwà mà ùke aŋga, à mà hwɛ lì wɔ̀wìrzɛ̀ rzayì-rzayì jà hwatò ema hwà mà ɔ̀kirzɛ merziyò na ì nyàmbɛ, na è wɔ̀ hwà mà òhva hwèlìŋgɛ̀ hwe wòhwe rzìi a wɔ̀wìrzɛ̀ hvɛ è wɔ̀ hwa ndima.

Lukàrzɛ̀ 7:23

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Yòwanìrzɛ̀ 1:46

Nàtànìyɛ̀lì rzìi à ijòwa nanù ema, “Ima lìtumba là eyà yà gbamù è tànɛyi lì uwɛlɛlɛ ò mbòwà yà Nàrzàrɛ̀tì e?” Hvìlìpì rzi à mò alàhwɛ̀ nanù ema, “Jà anù ò ɔ̀ŋgɔ.”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 8:7

Hvìlìpì mɔ̀ à mà gbeyà hwèlìŋgɛ̀ hwe wòhwe hwe mà anjiya nà mòrzeya mòndɛ̀nɛ̀ ò inyò jà rzayi-rzayi jà hwatò. Hwatò rzayi-rzayi ema hwa mà ɔ̀kirzɛ̀ è nyàmbɛ yà njɛmbu nà mbòkò, hwa mà wɔ̀wìrzɛ̀hwɛ̀.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.