Lukàrzɛ̀ 7:19 - Mokpwe: Bakwery (New Testament)

¹⁹ À mà hwa òma ema hwa ɛ̀ndɛ̀ hwa ijòwè Yerzù nanù ema, “O wa ndi ò hwèlì è mɔ̀ ema Lohwɛ̀ à mà òhwe ema a òma, ŋgà ja ambɛ̀lɛ ò hvɛhvɛ e?”

Lukàrzɛ̀ 7:19 Mawu Ofanana

Makòrzì 6:7

À mà hwɛlɛ lìyòmɛ̀ la Hwà-òkòwèlì hwa eni nà hwàhwàkɛ̀ a hwa rzàŋgà rzìi a hwa òma hwàhwàkɛ̀, hwàhwàkɛ̀. A hwa ŋgba hvɛ wònjà ya lì hvayà hwèlìŋgɛ̀ hwe wòhwe.

Lukàrzɛ̀ 10:1

O mburzà nanù Rzàŋgò à mà hvɔ̀rzɔ̀ hvɛ mènì lìrzàmbà me hwà-òkòwèlì nà hwàhwàkɛ̀. À mà hwa òma hwàhwàkɛ̀, hwàhwàkɛ̀, ò lì ɛ̀ndɛ ò wòrzò, ò màmbòwà nà hwèki e ma mɔ̀ à mà hwiye ema à hwɛnì lì ɛ̀ndɛ.

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Lukàrzɛ̀ 11:39

Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu.

Lukàrzɛ̀ 12:42

Rzàŋgò rzìi a alàhwɛ̀ nanù ema, “O èŋgànɛ̀lɛ̀ tɔ̀ ima mɔ̀ wa anyu à hwɛ ndi nàa mògbèèlì ema à òhvi lìhwiyè, rzìi a gbeyà mamɛ rzàŋgò wà enì wà èwòlò a òhwì ema a gbèyè. A hwèlì ndi è mògbèèlì ema rzàŋgò wa eni wa èwòlò a ŋgbèlì è wònjà lì kànèyà hwanɛ̀yi hwàgbèèlì, nà lì ɛnɛ nanù ema, tɔ̀ ima mɔ̀ wa awu a luwe e mò eni mòlelì na òma a hwɛnì lì lùwa.

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Lukàrzɛ̀ 17:6

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Lukàrzɛ̀ 18:6

Yerzù rzìi a òhweyà hwà-òkòwèlì hwa eni nanù ema, “È òkànèyà mamɛ è mòkàyìrzèlì wà mbenda wà wòhwe ema à rza hwiyɛ Lohwɛ̀ mamɛ a òhwa.

Lukàrzɛ̀ 19:8

Rzàkiyɔ̀rzì rzìi a tɛ̀mɛ̀ ò ŋmanyu, a òhweyà e Rzàŋgò nanù ema, “Ìi Rzàŋgò wa ɔ̀ŋgɔ tɛ̀, nà hwɛnì lì kàhwa erzàŋgò ya amì ò ìtììtènì, lì e ŋgbà mèlìrza me hwatò. Ndèŋgànɛ̀lɛ̀ hvɛ, tɔ̀ ima mòtò ema nà mà lɔ̀kè, nà mò tìmbìrzɛ̀lɛ̀lɛ kòŋgi inɛ̀yi ya mamɛ ema na mà mò lɔ̀kɔ̀nè.”

Lukàrzɛ̀ 22:61

Ò lìŋgi lìrzàkò mɛnɛ Rzàŋgò rzìi à ayeŋgòwɛ̀ɛ, à ɔ̀ŋgɔ Pètrò. Pètrò rzìi à ɔ̀ŋgɛlɛ mamɛ Rzàŋgò à mà mò òhweyà nanù ema, “Ndèŋgàna è mòmɛ̀ wà wùhwà à è tòŋgà yàwònò ò nò rzɔ̀rzɔ̀ ŋgèlì iyàwò.”

Lukàrzɛ̀ 24:34

Rzìi hwa hwà òhweyà nanù ema, “Nà è jɔ̀kɛ̀ Rzàŋgò a hvùmù, a wùrzèlì Rzìmɔ̀nì Pètrò!”

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 7:20

Nà òmà hwaŋga hwà-òkòwèlì hwa mà ùke lì ɛnɛ̀ Yerzù hwà mà òhwa nanù ema, “Yòwanìrzɛ̀ è Mòlùhwìrzèlì a jò òmì ò mba aŋgɔ̀ ema jò ò ijòwe nanù ema, ‘Ò wa ndi ò hwèlì è mɔ̀ ema Lohwɛ̀ à mà òhwe nanù ema à òmà, ŋgà ja ambɛ̀lɛ ò hvɛhvɛ e?’”

Yòwanìrzɛ̀ 11:2

Manù Màlìyɛ̀ ndi mà hwèlì è mɔ̀ ema à mà nyàlɛ̀ lìyɔ̀ki là hvɛ̀ɛ̀hvɛ̀ ò màtaŋgà ma mà Rzàŋgò rzìi à mà titòwàna lìhvumbu là eni. Ndòmɛ̀ wà eni Làrzàrɔ̀rzì ndi à mà hwɛ lì ɔ̀kirzɛ̀.

Yòwanìrzɛ̀ 4:1

Yerzù a mà hwiya ema Ihvàlìrzàyì hwà mà hwèya nanù ema mɔ̀ à hwèlì a lùwa na lì lùhwìrzɛ̀ rzayì-rzayì ja hwà-òkòwèlì lì aka Yòwanìrzɛ̀.

Yòwanìrzɛ̀ 4:25

Oŋgò mòlanà rzìi a òhwàna Yerzù nanù ema, “Nà hwi ema è mɔ̀ ema à Ɔ̀kirzɛ̀hwɛ̀yi a hwɛnì lì jà. Mɔ̀ a jelì tɛ, a jò telɛlɛ hweyà hwe arzɛ.”

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”