Lukàrzɛ̀ 7:16 - Mokpwe: Bakwery (New Testament)

¹⁶ Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Lukàrzɛ̀ 7:16 Mawu Ofanana

Matiyò 15:31

Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Matiyò 28:8

Hwàŋga hwalanà rzìi hwa anjiyana lì ahwèŋgɛ̀ ò rzɔ̀ŋgɔ̀ na wɔ̀ŋgɔ̀ ndi hwà mà ònda na màlìŋgò. Hwa hwaŋga ò lì ɛndɛ lì òhweyà Hwà-òkòwèlì hwa ama Yerzù mamɛ ya arzɛ ema e ma gbèyɛ̀nɛ.

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 1:65

È wɔ̀ ema hwà mà ɛ̀nɛ enè eyà, hwa mà lɛ̀mbeya mòkambiya. Rzìi hwa wòteya lì ɛ̀ndɛnɛ è njambɛ̀ ò màmbòwà ma arzɛ ma meyòlì ma èkòmè ya Jùdeyà.

Lukàrzɛ̀ 1:68

“Jèka ì hwɛ nà è Rzàŋgò, Lohwà la hwatò hwa Irzàyɛ̀lì. Jèka ì hwɛ nà Lohwɛ̀ èhwanja mɔ̀ à jelì ò lì òŋgòwànà hwatò wa eni, nà lì hwa rzùŋgà.

Lukàrzɛ̀ 19:44

Hwa hwɛnì lì ò nyɔ̀kɔ wàrzɛ-wàrzɛ nà hwàànà hwà aŋgɔ̀ hwa àrzɛ. Hwàkɔ̀yèlì hwa aŋgɔ̀ hwa rzà lìya tɔ̀ lìŋyàyi tɔ̀ lɔ̀kɔ ò ŋmanyu yà lìnɛ̀yi. Èhwànja ò rzi hwiye lìrzakò ema Lohwɛ̀ a mà jèe lì rzùŋgà lòŋgɛ la aŋgɔ.”

Lukàrzɛ̀ 2:20

Àŋga ndi hwaŋga hwà-ɔ̀ŋgèlì hwa mɛ̀lɛ̀ŋgù, hwa mà tìmbe rzìi hwa à kàrzɛ Lohwɛ̀ nà lì mò eka, èhwanja hweyà hwe àrzɛ ema hwa mà hweye rzìi hwa hwe ɛnɛ̀nɛ̀ hvɛ nà mììrzɔ̀ ma awu, nà òmà hwa mà òhwahwɛlɛ.

Lukàrzɛ̀ 24:19

Yerzù rzìi a hwa ijòwa nanù ema, “Ì ma nyayi ja hweyà e?” Rzìi hwa mò alàhwɛ nanù ema, “Jò òhwà ndi hweyà hwe ma gbèyɛnɛ lì hvòmɛ̀nɛ̀ Yerzù wà Nàrzàrɛ̀tì. À mà hwɛ ndi Mòòhwèlì wà Èlìŋgɛ̀ èma à ma gbeyà hweyà hwe mànyàka. À mà hwɛ ndi Mòòkòlèlì à Kàrzàmi. À mà ŋgbàahwa èluhwe nà Lohwɛ̀ nà hwatò.

Lukàrzɛ̀ 5:26

Tɔ̀ ima mòtò à ma hwɛ aŋga à mà ònda nà hwètàmìrzèlì. Ò èŋgànɛ̀lɛ̀ hwa mà èka Lohwɛ̀ nà lì òndà nà wɔ̀ŋgɔ̀ rzìi hwà òhwa nanù ema, “Jà ɛnì hweyà hwe mànyakà yàwònò.”

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Lukàrzɛ̀ 7:15

Òŋgò ŋmanà rzìi a imòwa rzìi a wòteya lì òhwà, aŋga ndi Yerzù a à mò tìmbìrzɛ̀lɛ̀lɛ̀ nyàŋgɛ.

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Lukàrzɛ̀ 8:37

Hwatò hwa arzɛ hwa erzòòkà ya Gɛ̀ràrzɛ̀nì rzìi hwa òhweyà Yerzù nanù ema, a ànjìyè ò erzòòkà ya awu èhwanja wɔ̀ɔŋgɔ̀ wò mà hwa aka. Yerzù rzìi a kpèeyà ò wɔ̀lɔ̀, a tìmba è ya eni.

Lukàrzɛ̀ 9:19

Hwà mà mò alàhwɛ̀ nanù ema, “Lòŋgò hwa òhwa ndi ema ò hwèlì ndi Yòwanìrzɛ̀ è Mòlùhwìrzèlì. Lòŋgò hvɛ hwa ma, ò hwèlì ndi Èlàyijà. Hwahvɛhvɛ hwa òhwa ema, ò hwèlì ndi Mòòhwèlì mɔ̀kɔ wà Èlìŋgɛ̀, wa kòòhwa ema à tìmbi ò lòŋgɛ.”

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 1:25

Rzìi hwa mò ijòwa hvɛ nanù ema, “Ò wà ò rza enje tɛ è Mɔ̀ ema à Ɔ̀kirzɛ̀hwɛ̀yi tɔ̀ Èlàyijà tɔ̀ è mòòhwèlì wà èlìŋgɛ̀ ema à ambɛlɛhwɛyi ì mà wònjà rzɔ ò wà ò hwɛnì ò lì lùhwìrzɛ̀ e?”

Yòwanìrzɛ̀ 4:19

Oŋgò mòlanà à mà hweye nanù rzìi a òhweyà Yerzù nanù ema, “Ìi Rzàŋgò kòkò, na ɛnɛ ema ò hwèlì ndi mòòhwèlì wà èlìŋgɛ̀.

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 9:17

Ihvàlìrzàyì rzìi hwa ijòwa òŋgò mòtò hvɛ nanù ema, “O òhwi nanù ema a ò wɔ̀wìrzɛ̀ e ndima ya aŋgɔ̀. O èŋgànɛ̀lɛ̀ mamɛ ò tànɛyi lì òhwa lì mò hvòmɛ̀nɛ̀ e?” Oŋgò mòtò rzìi a hwa alàhwɛ̀ nanù ema, “Yerzù a hwèlì ndi Mòòhwèlì wà èlìŋgɛ̀.”

Hwègbèèlì 5:5

Liwòkimɛnɛ na òma Ànàniyarzì ama hweye ene eyà ama kpàa, rzi a ŋwa. Hwàtò hwa arzɛ ema hwà mà hwèya nanù hwà mà lɛmbeya mòkambiya.

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.