Lukàrzɛ̀ 7:13 - Mokpwe: Bakwery (New Testament)

¹³ Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 7:13 Mawu Ofanana

Makòrzì 8:2

“Nà òkeya hwanù hwatò ììlì. Èhwanja hwà mà hwɛ anù na imba mèènyà meyawò, hwa rzi lelì tɔ̀ yòma.

Lukàrzɛ̀ 10:1

O mburzà nanù Rzàŋgò à mà hvɔ̀rzɔ̀ hvɛ mènì lìrzàmbà me hwà-òkòwèlì nà hwàhwàkɛ̀. À mà hwa òma hwàhwàkɛ̀, hwàhwàkɛ̀, ò lì ɛ̀ndɛ ò wòrzò, ò màmbòwà nà hwèki e ma mɔ̀ à mà hwiye ema à hwɛnì lì ɛ̀ndɛ.

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Lukàrzɛ̀ 11:39

Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu.

Lukàrzɛ̀ 12:42

Rzàŋgò rzìi a alàhwɛ̀ nanù ema, “O èŋgànɛ̀lɛ̀ tɔ̀ ima mɔ̀ wa anyu à hwɛ ndi nàa mògbèèlì ema à òhvi lìhwiyè, rzìi a gbeyà mamɛ rzàŋgò wà enì wà èwòlò a òhwì ema a gbèyè. A hwèlì ndi è mògbèèlì ema rzàŋgò wa eni wa èwòlò a ŋgbèlì è wònjà lì kànèyà hwanɛ̀yi hwàgbèèlì, nà lì ɛnɛ nanù ema, tɔ̀ ima mɔ̀ wa awu a luwe e mò eni mòlelì na òma a hwɛnì lì lùwa.

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Lukàrzɛ̀ 17:6

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Lukàrzɛ̀ 18:6

Yerzù rzìi a òhweyà hwà-òkòwèlì hwa eni nanù ema, “È òkànèyà mamɛ è mòkàyìrzèlì wà mbenda wà wòhwe ema à rza hwiyɛ Lohwɛ̀ mamɛ a òhwa.

Lukàrzɛ̀ 19:8

Rzàkiyɔ̀rzì rzìi a tɛ̀mɛ̀ ò ŋmanyu, a òhweyà e Rzàŋgò nanù ema, “Ìi Rzàŋgò wa ɔ̀ŋgɔ tɛ̀, nà hwɛnì lì kàhwa erzàŋgò ya amì ò ìtììtènì, lì e ŋgbà mèlìrza me hwatò. Ndèŋgànɛ̀lɛ̀ hvɛ, tɔ̀ ima mòtò ema nà mà lɔ̀kè, nà mò tìmbìrzɛ̀lɛ̀lɛ kòŋgi inɛ̀yi ya mamɛ ema na mà mò lɔ̀kɔ̀nè.”

Lukàrzɛ̀ 22:61

Ò lìŋgi lìrzàkò mɛnɛ Rzàŋgò rzìi à ayeŋgòwɛ̀ɛ, à ɔ̀ŋgɔ Pètrò. Pètrò rzìi à ɔ̀ŋgɛlɛ mamɛ Rzàŋgò à mà mò òhweyà nanù ema, “Ndèŋgàna è mòmɛ̀ wà wùhwà à è tòŋgà yàwònò ò nò rzɔ̀rzɔ̀ ŋgèlì iyàwò.”

Lukàrzɛ̀ 24:3

Hwàŋga hwalanà hwa mà kpèeyà ò tenì yà èŋge rzɔ̀ŋgɔ̀, ndi hwa rzi ùŋmà ŋmìmbà mò ama Rzàŋgò Yerzù.

Lukàrzɛ̀ 24:34

Rzìi hwa hwà òhweyà nanù ema, “Nà è jɔ̀kɛ̀ Rzàŋgò a hvùmù, a wùrzèlì Rzìmɔ̀nì Pètrò!”

Lukàrzɛ̀ 7:12

Nà òmà a mà kòmbɛ̀nɛ̀ hwe kpèelì hwe èŋge mbòwà, hwatò hwà mà wurzana èembe yà mòtò ema, e ma hwɛ ndi ehvòwa ya ŋmanà ya mòŋgò mòkurze mò mòlanà. Èŋge ŋgìndì ema è ma wurza ò èŋge mbòwà è mà hwɛ nà òŋgò mòlanà.

Lukàrzɛ̀ 7:14

Yerzù à mà arzurzuhwɛlɛ ò wòrzò rzìi a hwàkɛ lìya la eni ò iŋgi iwòŋgò ja ŋmìmbà. Hwatò hvɛ ema hwà mà ji hwanɛ̀ hwà mà tɛ̀mɛ̀. Yerzù rzìi a òhwa nanù ema, “Ìi mbèrzà, na òhwèlì ema imòwa.”

Lukàrzɛ̀ 7:19

À mà hwa òma ema hwa ɛ̀ndɛ̀ hwa ijòwè Yerzù nanù ema, “O wa ndi ò hwèlì è mɔ̀ ema Lohwɛ̀ à mà òhwe ema a òma, ŋgà ja ambɛ̀lɛ ò hvɛhvɛ e?”

Lukàrzɛ̀ 8:52

Hwatò hwa arzɛ hwa mà hwɛ lì eyàa, nà lì èhwɛ òŋgò ŋmanà. Yerzù rzìi a hwa òhweyà nanù ema, “È rza eyàa. È ŋmanà à rzi ŋwelì, a hwèlì ndi ò ìjɔ.”

Yòwanìrzɛ̀ 11:2

Manù Màlìyɛ̀ ndi mà hwèlì è mɔ̀ ema à mà nyàlɛ̀ lìyɔ̀ki là hvɛ̀ɛ̀hvɛ̀ ò màtaŋgà ma mà Rzàŋgò rzìi à mà titòwàna lìhvumbu là eni. Ndòmɛ̀ wà eni Làrzàrɔ̀rzì ndi à mà hwɛ lì ɔ̀kirzɛ̀.

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

Yòwanìrzɛ̀ 20:13

Rzìi hwa ijòwa Màlìyɛ̀ nanù ema, “Mòlanà kòkò, mamɛ ò eyeya e?” Rzìi à hwa alàhwɛ̀ nanù ema, “Hwà mà wòwa èembè ya ama Rzàŋgò wa ami, ò èŋgànɛ̀lɛ̀ na rza hwi èki ema hwa mò ikayi.”

Yòwanìrzɛ̀ 20:15

Yerzù rzìi a mò ijòwa nanù ema, “Mòlanà kòkò, mamɛ ndèŋgàtɛ̀ ò eyaa e? Njɛnɛ ò wa ò arza e?” Màlìyɛ̀ à mà ɔ̀ŋgɛ̀lɛ̀ ndi nanù ema òŋgò mòtò a hwèlì ndi e mòtò a gbèeyà ò eŋge hvaya. Rzìi à mò òhweyà nanù ema, “Rzàŋgò a hwèlì tɛ nanù ema ò wa ndi ò wòwi èembè ya eni, ò nò òhweyà èki ò wa ò ma e ika, imba na ɛ̀ndɛ lì e wòwa.”

Yòwanìrzɛ̀ 4:1

Yerzù a mà hwiya ema Ihvàlìrzàyì hwà mà hwèya nanù ema mɔ̀ à hwèlì a lùwa na lì lùhwìrzɛ̀ rzayì-rzayì ja hwà-òkòwèlì lì aka Yòwanìrzɛ̀.

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

1 Kɔ̀rintìyà 7:30

O enè ŋgàna mɛnɛ, hwatò ema hwa ɛhwɛ, hwa hwɛ ndi na hwatò ema hwa rza ohvɛ ndùtù. Hwàŋga hwatò ema hwa lìŋga, hwà ɛnɛ ema hwa rza ohvi màlìŋgò. Hwàŋga hwatò ema hwa anda hweemà hwà ɛnɛ̀ nanù ema hwa rza ohvi ndàndɛ̀.

1 Tɛ̀rzàlonìyà 4:13

Ìi wònyàmòwe kòkò, ja arza nanù ema e hwiye e jɔ̀kɛ̀ lì hvomɛ̀nɛ̀ hwaŋga ema hwà mà ŋwɛɛ, aŋga nanù e rza ɛhwɛ nàa hwatò ema hwa rza hwɛnɛ lìhvìtà.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.