Lukàrzɛ̀ 7:12 - Mokpwe: Bakwery (New Testament)

¹² Nà òmà a mà kòmbɛ̀nɛ̀ hwe kpèelì hwe èŋge mbòwà, hwatò hwà mà wurzana èembe yà mòtò ema, e ma hwɛ ndi ehvòwa ya ŋmanà ya mòŋgò mòkurze mò mòlanà. Èŋge ŋgìndì ema è ma wurza ò èŋge mbòwà è mà hwɛ nà òŋgò mòlanà.

Lukàrzɛ̀ 7:12 Mawu Ofanana

Lukàrzɛ̀ 7:11

O mburzà hvònda Yerzù à mà ɛ̀ndɛ mbòwà hvɔ̀kɔ nà hwà-òkòwèlì wa eni ema è ma hwɛ̀lɛ̀hwɛ̀ Nàyènɛ̀. Ŋgindi ndɛnɛ̀ hvɛ yà hwatò è mà mò òŋgama.

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 8:42

èhwanja ehvòwà ya eni ya ŋmanà ŋgɔ̀ndɔ̀ wà lìyòmɛ̀ la meya nà mèhwàkɛ, e mà kòmbɛ̀nɛ̀ è kpelì. Nà òmà Yerzù a mà hwɛ lì ɛ̀ndɛ ò èŋge ndawò, è ŋgìndì è mà mò tòŋgà ì tòŋgòŋgò jà arzɛ.

Lukàrzɛ̀ 8:52

Hwatò hwa arzɛ hwa mà hwɛ lì eyàa, nà lì èhwɛ òŋgò ŋmanà. Yerzù rzìi a hwa òhweyà nanù ema, “È rza eyàa. È ŋmanà à rzi ŋwelì, a hwèlì ndi ò ìjɔ.”

Yòwanìrzɛ̀ 11:19

Rzayi-rzayi ja hwatò hwa wònyà Yudà hwà mà jà lì ɛhwɛnɛ Mata na Màlìyɛ̀ ò kpelì ya ama ŋmanyàŋgò wa awu.

Hwègbèèlì 9:39

O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.