Lukàrzɛ̀ 6:8 - Mokpwe: Bakwery (New Testament)

⁸ Yerzù à mà hwiya mamɛ hwa mà hwɛ lì lùteya ò mèèmà me awu. À mà òhweyà òŋgò mòtò ema à ma òhva mɔ̀ɔ̀ mò ma ŋwa njɛmbu nanù ema, “Jà ònò, ò tɛ̀mɛ̀ anù.” Òŋgò mòtò à mà mò hweyàna.

Lukàrzɛ̀ 6:8 Mawu Ofanana

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 3:3

Yerzù à mà òhweyà òŋgò mòtò ema à ma ɔ̀kirzɛ̀ mɔ̀ɔ̀ mò njɛmbu nanù ema, “Jà ò tɛ̀mɛ̀ ò màrzò ma hwatò hwa arzɛ!”

Lukàrzɛ̀ 13:12

È hvònda ema Yerzù a mà mò ɛnɛ, rzi a mò hwɛlɛ, rzì a mò òhwàna nanù ema, “Nyàŋgò kòkò è nyàmbɛ yà aŋgɔ̀ ema ò òka ema kùwà.”

Lukàrzɛ̀ 5:22

Yerzù à mà hwiya màlùtèyà ma awu. Àŋga ndi à hwa ijòwa nanù ema, “Mamɛ ndeŋgàtɛ è lùteyà hwenè hweyà ò mèèmà me anyu e?

Lukàrzɛ̀ 6:9

Yerzù rzìi a ijòwa hwaŋga hwatò nanù ema, “Nà è ijòwà ema, ò hwèlì mbenda ò lì gbeyà gbamù ŋgà lì gbeyà wòhwe ò Wùnyà wò lì Arzìyòlɛ̀ e? O hwèlì mbenda ò lì rzùŋgà lòŋgɛ la mòtò ŋgà ò lì mò òŋwa e?”

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 9:4

Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 26:26

Kìŋgɛ̀ Agrìpa kòkò, na tànɛyi na ò òhwìrzɛ̀nɛ̀ na e kumba ehwànja na hwi nanù ema ò rzɔ̀ŋgitɛ̀nɛyi hwene hweyà hwe arzɛ. Nà lòkɛ̀ nanù ema ò rzɔ̀ŋgìtɛ̀nɛ̀ hweyà hwe arzɛ ema hwe ma gbèyɛ̀nɛ. Èhwànja hweyà ema hwe gbèyɛ̀nɛyi hwe rza gbèyɛ̀nɛyi ndi ò jututa.

Hvìlipìyà 1:28

È rzi keka lì oka hwaŋga hwatò ema hwa e teŋgɛ̀nɛ̀ wɔ̀ŋgɔ̀. Inyɛ̀ ètìrzɛ̀ mèèmà me anyu o ihvonda ja arzɛ. Ène eyà e o uŋmɛ̀lɛ̀ nanù ema, wɔ̀ hwa rza o luwa lìrzùŋgàhwa ndi inyɔ e o lì luwa. Lohwɛ̀ ndi à rzekelì hwene hweyà hwe arzɛ.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

1 Pètrò 4:1

Kànatɛ Krirztò à mà take o hwehwɛ̀ɛlì hwe eni nàa mòtò wà hwènàmà o e nyàmà nyo, inyɔ hvɛ e àŋgàmɛ̀nɛ̀yi lì woŋgirzɛnɛ o lì luwa eŋge ŋgànà ya màlùtèyà mɛnɛ na à mà hwɛnɛ. Èhwànja tɔ̀ njɛnɛ ema a tàki o e nyàmà ya nyo ehwànja a hwèlì ndi e wa ama Yerzù, mɔ̀ à rza hwɛni hvɛ tɔ̀ eyà o lì gbeyàna wòhwe.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.