Lukàrzɛ̀ 6:49 - Mokpwe: Bakwery (New Testament)

⁴⁹ Ndi è mòtò ema a hweyà hwèyòkòlelì hwe amì rzìi à rzi gbèye mamɛ hwe e òhwa, a hwèlì ndi nàa è mòtò ema à mà òŋgà è ndawò ò mɔ̀nyɛ̀ e rzi hwɛ mɔ̀nɔ̀ŋgɔ̀. È hvònda ema è mbuwà e mà yɔ, rzìi è tɔ̀ndɛ̀ e lìhwa èŋge ndawò, èŋge ndawò e mà rzùuwa lìwòkimɛnɛ, rzìi e wùweya kɛrzɛ-kɛrzɛ.”

Lukàrzɛ̀ 6:49 Mawu Ofanana

Matiyò 23:3

O èŋgànɛ̀lɛ̀ rzɔ e hwɛnì lì hwa hweyàna, na ò lì gbeyà hweyà hwe arzɛ ema hwa e òhweyà ò lì gbeyà. Ndi e rzìi gbeyà mamɛ ema wɔ̀ hwa gbeyà. Èhwanja wɔ̀ hwa rza gbeyà mamɛ ema hwa òhwa.

Matiyò 24:10

“Hwatò rzayì-rzayì hwa rza ò lòkɛ̀ hvɛ, hwa ò ŋgbà mɔ̀kɔ na ɔ̀nɛ̀yi ò màà mà hwaŋga ema hwa hwà kɔwu. Hwa ò a kɔ̀ɔnɛ mɔ̀kɔ na ɔ̀nɛ̀yi.

Makòrzì 4:17

Ndi eŋge Èya yà Lohwà è rza ònahwa ò mèèmà mè awu, ndi hwa è lòkɛ̀ ndi ò ŋmanà hvòkà wà hvònda mɛnɛ. Ò èŋgànɛ̀lɛ̀ rzɔ ìndùtù tɔ̀ mètàkà me jelì tɛ, hwa akòohwɛ̀ ò mburzà ò lìwòkìmɛ̀nɛ̀.

Lukàrzɛ̀ 12:47

Òŋgò mògbèèlì ema à hwi hwètɛ̀yìrzèlì hwe èwòlò ya ama e rzàŋgò ya eni ya èwòlò, rzìi à rzì àwòŋgìrzɛ̀nɛ̀, tɔ̀ à rzì òŋgàme hwèŋge hwèkàyìrzèlì, à gbiyɛ̀hwɛ̀ hvònji yà jɔ̀kɛ̀.

Lukàrzɛ̀ 19:14

Kànàtɛ̀ lòŋgò là hwatò hwa èŋge èkòmè yà eni hwa rzi mò lìŋgànè, hwa mà wùrzìrzɛ̀ mèrzènjà ema mè mò oŋgàmà ò lì òhweyà lìkànèyà nanù ema, ‘Ì rzà arza ònò mòtò à hwɛ è kiŋgɛ̀ yà arzu.’

Lukàrzɛ̀ 19:27

Ò nàŋgɛ nanù, hwaŋga hwa arzɛ ema hwa nò kɔ̀wu, ema hwa rza àrza ema nà hwɛ è kiŋgɛ̀ yà àwu, è hwa jànè anù. È hwa òŋwe ò wòrzò wò amì.’”

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

Lukàrzɛ̀ 6:48

À hwèlì ndi nàa mòtò ema a òŋgà wòòŋgì. Èma a rzɔ̀ŋgɛ̀lɛ̀yi mawòndì ò mɔ̀nyɛ̀, ema mɔnɔ̀ŋgɔ̀ mò eni mò tɛmi ò ŋmanyu yà èwòmà ya lìŋyàyi. È hvònda ema è mbuwà e mà yɔ, è tɔ̀ndɛ̀ ema ɔ̀ndɔ̀, e lìhwa èŋge ndawò nà ŋginyà ndi è rzi tànɛyi lì wùulɛ èŋge ndawò, èhwanja è mà òŋgàhwa gbamù.

Lukàrzɛ̀ 7:1

Nà òmà Yerzù à mà kulɛ lì òhwìrzɛ̀nɛ̀ hwatò à mà tìmba ò mbòwà yà Kàpɛ̀nàwɔ̀mì.

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

Hwègbèèlì 26:11

O ŋgèlì rzayì-rzayì hvɛ imba nà mà hwɛ lì hwa kɔ̀kìrzɛ̀ ò tenì ya indawò ja màkanɛ̀ ja wònyà Yudà ja arzɛ, ndeŋgànɛlɛ nà mà hwɛ hvɛ lì arza nanù ema hwa òhwe hweyà hwe wòhwe ò lì teŋgɛ̀nɛ̀ Yerzù. Imba nà mà hwa tàtàna rzàyi-rzàyi nyàyi ema nà mà hwɛ lì ɛndɛ ò màhvɛhvɛ mambòwà nà ò hwehvɛhvɛ hwèkòmè ò lì hwa tàkirzɛ.”

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

2 Pètrò 2:20

È hwèlì tɛ nanù ema mòtò à lòkɛ̀yi e Rzàŋgo na e Mòrzùŋgèlì wa arzu Yerzù Krirztò, nanù oma mɔ̀ à mà màa lì anjiya o tenì ya lòŋgɛ la wòhwe la ene rze. Mɔ̀ à mà anjiya tɛ o tenì ya lìŋgi lòŋgɛ, rzìi a timba lì àyinɛ̀lɛ̀ o tenì hvɛ, rzìi lìŋgi lòŋgɛ lì mo wowa mòkòmì, e nyayi ema mɔ̀ à hwèlì nàŋgɛ, e hwèlì wòhwe lì aka e nyayi ema mɔ̀ à mà lome lì hwɛ.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.