Lukàrzɛ̀ 6:47 - Mokpwe: Bakwery (New Testament)

⁴⁷ Tɔ̀ njɛnɛ ema a nò jèeyàa, ema à nò hweyànà hwèyòkòlelì hwe amì, rzìi a gbeyà mamɛ ema na òhwa, ìmba, nà è wulùhweyà è mɔ̀, njɛnɛ a hwèlì.

Lukàrzɛ̀ 6:47 Mawu Ofanana

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Lukàrzɛ̀ 11:28

Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”

Lukàrzɛ̀ 14:26

“Tɔ̀ ima mòtò ema à òhwi àma à àrza lì nò òŋgama, rzìi a lìŋgàna rzàŋgɛ nà nyàŋgɛ, jòjìyɛ̀ wa eni, nà hwàànà, nà wònyanyàŋgò wa eni, nà ìndòmɛ ja eni. Rzìi à lìŋgàna hvɛ lòŋgɛ la eni lì nò akà, à rza tanɛ̀yi lì hwɛ mòòkòwèlì wà amì.

Lukàrzɛ̀ 6:48

À hwèlì ndi nàa mòtò ema a òŋgà wòòŋgì. Èma a rzɔ̀ŋgɛ̀lɛ̀yi mawòndì ò mɔ̀nyɛ̀, ema mɔnɔ̀ŋgɔ̀ mò eni mò tɛmi ò ŋmanyu yà èwòmà ya lìŋyàyi. È hvònda ema è mbuwà e mà yɔ, è tɔ̀ndɛ̀ ema ɔ̀ndɔ̀, e lìhwa èŋge ndawò nà ŋginyà ndi è rzi tànɛyi lì wùulɛ èŋge ndawò, èhwanja è mà òŋgàhwa gbamù.

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Lukàrzɛ̀ 8:8

Inɛ̀yi hvɔ̀ŋgɔ̀ jɔ hvɛ ì mà unda ò mɔ̀nyɛ̀ mò gbamù. Ì mà òŋgà gbamù, rzìi ì ŋya hvɛ jɔ̀ɔ. Lòŋgò la hwerzòŋgò hwe ma òhva ègbe ya hvɔ̀ŋgɔ̀.” Yerzù a mà kulɛ lì kpɛ̀ɛ mònò ŋmàna, rzìi a òhwa nanù ema, “Tɔ̀ ima mòtò ema à òhvi màtò, a hweyè.”

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 13:17

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 5:40

Tɔ nɛ e rza arza lì nò jèeya ò lì lùwa lòŋgɛ là gbìndèyà.

Yòwanìrzɛ̀ 6:35

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Jèmìrzì 4:17

O eŋgànɛ̀lɛ rzɔ̀, tɔ̀ njɛnɛ ema a hwi eyà ya gbamù ema àŋgàmɛ̀nɛ̀yi lì gbeyà, rzìi a rzi e gbeye, nanù oma a gbèyi wòhwe o worzo wo ama Lohwɛ̀.

1 Pètrò 2:4

Inyɔ e jèeya e Rzàŋgo, Mɔ̀ ema a hwèlì ndi nàa lìŋyàyi la lòŋgɛ ema hwà-òŋgèlì hwà mà lììyè, rzìi Lohwɛ̀ a ɛnɛ nanù ema lì hvomɛ̀nɛ̀yi, a lì hvɔ̀rzɔ̀wɔ̀ rzìi a lì uta.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

1 Yòwanìrzɛ̀ 3:7

Inyɔ ema e hwèlì nàa hwàanà hwa ami, e rzi keka lì emeyà nanù ema tɔ̀ mòtò tɔ̀ mɔ̀kɔ a e lùkɛlɛ. È mɔ̀ ema a gbèyi mamɛ ema e hvomɛ̀nɛ̀ nanù oma a hwèlì ehve-ehve, ŋgàna hvɔ̀kɔ na oma mɔ̀ Krirztò a hwèlì ehve-ehve.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.