Lukàrzɛ̀ 6:44 - Mokpwe: Bakwery (New Testament)

⁴⁴ Gbèe na gbèe tɛ wò embàhwà ndi nà hwèhvùma hwe eni. È hwiyahwi ema, hwatò hwa rza hvɔ̀kɔ mbàrzì ò wàŋgà yà njenje. Tɔ̀ lì hvatà hwèhvùma hwe màlanjò ò ŋmanyu yà gbàŋgu.

Lukàrzɛ̀ 6:44 Mawu Ofanana

Matiyò 12:33

“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà.

Matiyò 7:16

È hwa hwiiyà ndi ò hwègbèèlì hwe awu. È rza tanɛ lì hvata lìlanjò ò tenì yà waŋga yà njenje. Tɔ̀ ehvùma yà nyɔ̀hvinyà ò waŋga yà njenje.

Matiyò 7:20

O èŋgànɛ̀lɛ̀ ò hwiye hwà-òhwèlì hwa hwèlìŋgɛ̀ hwa mòlàŋgà ò hweyà ema hwa gbeyà.”

Jèmìrzì 3:12

Wònyànyàŋgo hwa ami kòkò! Ŋmanà gbee wo rzàwu wo rza tanɛyi wo ŋya wo piya. Tɔ̀ gbee wo wolanjo wo rza tànɛ wo ŋya rzàwu. Itùŋgu ema i wurzirzɛ màlìhwà mà ikpà mà rza tanɛyi i wurzirzɛ hvɛ malìhwa ema mà rzàŋgi.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.