Lukàrzɛ̀ 6:42 - Mokpwe: Bakwery (New Testament)

⁴² Nɛ rzɔ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema, ‘Ŋmanyàŋgò wà ami, inyɛ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀,’ ema ò wà hwìti ò rza tànɛ̀yi lì ɛnɛ ètùmba ema è hwèlì ò lìrzɔ̀ là aŋgɔ̀ e? Ò wà mòtò wà mèhvìlì! Lòma lì ulɛ̀ ètùmba ema è ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ là ama ŋmànyɔ̀ŋgɔ̀ wà aŋgɔ̀.

Lukàrzɛ̀ 6:42 Mawu Ofanana

Matiyò 26:75

Pètrò rzìi à ɔ̀ŋgɛ̀lɛ̀ jòòhwì ema Yerzù à mà mò òhweyà nanù ema, “Ndèŋgànà è mòme wà wuhwà à è tòŋga, ò nò rzɔ̀rzɔ̀ ŋgelì iyàwò nanù ema ò rza nò hwi.” À mà wurza ò èwòka rzìi à eyà ije-ije.

Matiyò 7:3

Mamɛ ndèŋgatɛ̀, ò ɛnɛ̀ è ŋmanà jùma lìmùki ema lì hwèlì ò lìrzɔ là ama ŋmànyɔ̀ŋgɔ̀ wà aŋgɔ̀, ema ò rza tànɛ̀yi lì ɛnɛ̀ ètumba ema è hwèlì ò lìrzɔ̀ là aŋgɔ̀ e?

Matiyò 7:4

Nɛ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema inyɛ̀ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀, ema ò wà ò òhvi ètùmba ò lìrzɔ̀ là aŋgɔ̀ e?

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Lukàrzɛ̀ 6:41

“Mamɛ ndèŋgatɛ̀ ò ɛnɛ̀ è ŋmanà jùma lìmùki ema è hwèlì ò lìrzɔ lì ama ŋmànyɔ̀ŋgɔ̀ wà aŋgɔ̀, ndi ò rza tànɛ̀yi lì ɛnɛ̀ ètumba ema è hwèlì ò lìrzɔ̀ là aŋgɔ̀ e?

Lukàrzɛ̀ 6:43

“O rza enje tɔ̀ gbèe wò gbamù ema wò ŋya hwèhvùma hwe wòhwe. Ndèŋgànɛ̀lɛ̀ hvɛ ò rza enje tɔ̀ gbèe wò wòhwe ema wò ŋya hwèhvùma hwe gbamù.

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 8:21

O rza hwɛni tɔ̀ eyà ya lì gbeyà tɔ̀ lìkayi ò èwòlò ya arzu. Èhwanja ŋmèma mò aŋgɔ̀ ò mirzɔ̀ mà ama Lohwɛ̀ mò rza rzaŋgi ò tenì.

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

2 Kɔ̀rintìyà 5:18

Hwene hwègbèèlì hwe hvènya hwe uwɛ̀lɛ̀lɛ̀yi ndi nà Lohwɛ̀. A jo gbèelì màrzèèlì nà Krirztò. A jo ŋgbelì èwòlò ya lì ohweyà hwatò nanù ema wɔ̀ hwa tànɛyi o lì hwɛ o ɛ̀yɔ̀lɛ̀ nà Lohwɛ̀.

2 Tìmotì 2:21

Tɔ ima mòtò ema a rzɔnjɛ̀lɛ̀ lì gbeyà la hweyà hwe mbindo, à ò hwɛ ndi nàa màlùkù mà mèyɔnjɔ ema me gbeyànɛhwɛ o ndèma yà towotowo. Oŋgo mòtò a ondi wòrzaŋgi ndèŋgàna e Rzàŋgo ya eni e mo gbeyàna. Ndèŋgana oŋgo mòtò a woŋgirzɛnɛyi o lì gbeyà eyà yà gbamù o tɔ̀ ima hvonda.

2 Pètrò 1:9

Ndi tɔ̀ njɛnɛ ema a rza hwɛnɛ ɛ̀ɛ̀mɛ̀ ya gbamù, nanù o ma mɔ̀ à gbèyi ndi nàa mòtò ema a rza ɛnɛ hvoo, tɔ̀ ema a hwèlì ndìmà. Mɔ̀ à mà hvoŋga nanù ema Lohwɛ̀ à mà mo rzàŋgìrzɛ, ndèŋgànɛ̀lɛ̀ à mà mo làkìrzɛ wòhwe wo eni.