Lukàrzɛ̀ 6:41 - Mokpwe: Bakwery (New Testament)

⁴¹ “Mamɛ ndèŋgatɛ̀ ò ɛnɛ̀ è ŋmanà jùma lìmùki ema è hwèlì ò lìrzɔ lì ama ŋmànyɔ̀ŋgɔ̀ wà aŋgɔ̀, ndi ò rza tànɛ̀yi lì ɛnɛ̀ ètumba ema è hwèlì ò lìrzɔ̀ là aŋgɔ̀ e?

Lukàrzɛ̀ 6:41 Mawu Ofanana

Matiyò 7:1

“È rzi kàyìrzɛ̀ hwahvɛhvɛ hwatò, aŋga nanù Lohwɛ̀ à rza ò è kàyìrzɛ̀ inyɔ̀hvɛ.

Makòrzì 8:7

Hwà mà òhva ŋgurzu ja nyàmà rzàlì ja malìhwa. Yerzù a ŋgba hvɛ Lohwɛ̀ jeka ò iŋgi nyàmà, rzìi a òhweyà hwà-òkòwèlì hwa eni ama hwa kahweyà èŋge ŋgìndì.

Lukàrzɛ̀ 6:40

È ŋmanà wà hwèyòkòwèlì à rza tànɛ̀yi ò lì akà è Mòòkòlèlì wà èni. Ndi tɔ̀ njɛnɛ ema à kulɛ hwèyòkòwèlì hwe eni à ò hwɛ ndi lìmɛ̀nì lɔ̀kɔ nàa è mɔ̀ ema à mò òkòlɛ̀yi.

Lukàrzɛ̀ 6:42

Nɛ rzɔ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema, ‘Ŋmanyàŋgò wà ami, inyɛ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀,’ ema ò wà hwìti ò rza tànɛ̀yi lì ɛnɛ ètùmba ema è hwèlì ò lìrzɔ̀ là aŋgɔ̀ e? Ò wà mòtò wà mèhvìlì! Lòma lì ulɛ̀ ètùmba ema è ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ là ama ŋmànyɔ̀ŋgɔ̀ wà aŋgɔ̀.

Yòwanìrzɛ̀ 8:7

Wɔ̀ hwà mà tìmba hvɛ lì mò ijòwa mene miijòwelì. Rzìi à tɛ̀mɛ̀, a hwa òhweyà nanù ema, “O hwèlì tɛ mɔ̀kɔ wa anyu anù ema a rza òhvɛ wòhwe, inyɛ mɔ̀ à hwɛ e wa wòrzò ò lì mò aŋgba lìŋyàyi”

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Jèmìrzì 1:24

A ɔ̀ŋgɛ mɔ̀ ŋmìti gbamù rzìi a ɛndɛ e ye eni o ŋgèlì hvɔ̀kɔ mɛnɛ mɔ̀ à hvoŋga lì hwiya nɛ worzo wo eni wo ɛneya.