Lukàrzɛ̀ 6:35 - Mokpwe: Bakwery (New Testament)

³⁵ Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Lukàrzɛ̀ 6:35 Mawu Ofanana

Matiyò 5:9

Mònàmɛ̀ na hwatò ema hwa jàneyà hwahvɛhvɛ hwatò ɛ̀yɔ̀lɛ̀, èhwanja Lohwɛ̀ à ò hwa hwɛlɛ hwàànà hwa eni.

Makòrzì 5:7

À mà tɛ nà lìlò lì karzami nanù ema, “O wa Yerzù, è Ŋmanà wà ama Lohwà lì Kàrzami mamɛ ì òhvanɛ e? Nà ò rzòzòmeya ò lìna la ama Lohwɛ̀ ò rza nò kɔ̀kìrzɛ̀.”

Lukàrzɛ̀ 1:32

Oŋgò Ŋmanà a ò hwɛ ndi yumɛ̀ ya mùnyanà. A ò hwɛ̀lɛ̀hwɛ̀ ndi è Ŋmanà wà ama Lohwɛ̀ lì Kàrzami. Tatà Lohwɛ̀ à ò mò ŋgbà è kònda yà Lìkànèyà la ama è mbamba yà eni Dàhwitì.

Lukàrzɛ̀ 6:36

È hwɛnɛ̀ ììlì nà òmà Tatɛ̀ Lohwà la anyu a hwɛnì ììlì.

Yòwanìrzɛ̀ 13:35

È alìŋgànɛ tɛ mɔ̀kɔ na ɔ̀nɛyi, hwatò hwa arzɛ hwa ò hwiya ema inyɔ e hwèlì ndi hwà-òkòwèlì hwa ami.”

Yòwanìrzɛ̀ 15:8

Èluhwe ya ama e Tatɛ̀ ya ami e awuŋmɛ̀lɛ̀ e hwèlì tɛ ema e ŋyàa hwehvùma jɔ̀ɔjɔ̀ɔ, eŋge ndi e gbeyà ema e hwɛ̀ɛ hwànɔ̀ŋgèlì hwa ami.

Hwègbèèlì 14:17

Ndi tɔ nanù, mɔ̀ à mà uŋmɛ̀lɛ̀ hwèmɛ̀nɛ̀nì nanù ema à hwèlì, ò hweyà hwe gbamù ema mɔ̀ à gbeyà. À è yɔ̀lìrzɛ̀lɛ̀lɛ̀ è mbuwà ema è uwɛ̀lɛ̀lɛ̀yi ò ŋmanyu yà lohwà, ndèŋgànɛ̀lɛ̀ à mà è ŋgba hvɛ è mbòtà ò hvònda yà jɔ̀kɛ̀. À è ŋgba mòlelì rzìi à è òndìrzɛ̀ mèèmà mè anyu nà mɔ̀nyɛ̀ŋgì.”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

2 Tìmotì 3:2

O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.