Lukàrzɛ̀ 6:30 - Mokpwe: Bakwery (New Testament)

³⁰ Tɔ̀ imà mòtò ema à ò ɔ̀mbì yòmà ò mò ŋgbè è yɔ. Mòtò à ò lùmbànì hvɛ tɛ hwèèmà hwe aŋgɔ̀, ò rzì kèka lì mò àrzana è yɔ hvɛ.

Lukàrzɛ̀ 6:30 Mawu Ofanana

Matiyò 18:35

Yerzù rzìi a umba eŋge mbɔrzi ò lì òhwa nanù ema, “Nànù ndi Tatɛ̀ wa ami wa e ŋmanyu yà lohwà à ò gbèyɛ. O rza làkìrzɛ̀ tɛ ŋmànyàŋgo wà aŋgɔ̀ nà ŋmèma mò aŋgɔ̀ ma arzɛ eŋge ŋgàna e hwèlì ndi nanù ema Lohwɛ̀ a ò kɔ̀kìrzɛ̀ ndi na òma eŋge kiŋgɛ e ma kɔ̀kìrzɛ̀ òŋgò mògbèèlì.”

Matiyò 5:39

Ndi imba na e òhwèyà nanù ema, mòtò à è gbèyi tɛ wòhwe, è rzi timbirzɛlɛ. È hwèlì tɛ ema mòtò à ò rzamì tɛ lùùmbɛ̀ ò lìyamà lì aŋgɔ̀ lɔ̀kɔ, ò mò uŋmɛ̀lɛ̀ hvɛ lìnɛyi lìyamà.

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Lukàrzɛ̀ 11:41

Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Lukàrzɛ̀ 6:29

Mòtò à ò rzamì tɛ lùùmbɛ̀ ò lìyamà lɔ̀kɔ, ò mò eŋgòweyà hvɛ lìnɛ̀yi lìyàmà. Mòtò à ò hvɔ̀ɔ̀tɔ̀nì tɛ lòòkì lì aŋgɔ̀ ò mò hwɛ̀mɛ a wòwè hvɛ è rzɔ̀tì yà aŋgɔ̀.

Lukàrzɛ̀ 6:31

Ò gbèeyà hwahvɛhvɛ hwatò nà òmà ò àrza nanù ema wɔ̀ hvɛ hwa ò gbèeyà.

Lukàrzɛ̀ 6:38

È a ŋgbà hwatò, aŋga nanù Lohwɛ̀ mɔ̀ hvɛ à è ŋgbà, inyɔ hvɛ. Lìmɛ̀nì ema è lùwa, lì rzɛ̀ɛ̀hwɛ̀, lì òndà natɛ̀ɛ lì hvùhvà, rzìi lì è ŋgbààhwà ò lì hwànɛ. Èhwanja lìmɛ̀nì ema e gbeyànì, lɔ mɛnɛ ndi Lohwɛ̀ mɔ̀ hvɛ a ò gbeyànɛ̀.”

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.