Lukàrzɛ̀ 6:19 - Mokpwe: Bakwery (New Testament)

¹⁹ Hwatò hwa arzɛ hwa mà hwɛ lì kèka ò lì mò lɛ̀mbɛ, èhwanja è ŋginyà è mà hwɛ lì mò wurzà ò nyò ya eni ò lì wɔ̀wìrzɛ̀ hwatò.

Lukàrzɛ̀ 6:19 Mawu Ofanana

Matiyò 14:36

Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 5:30

Yerzù à mà èmba nanù ema ŋginyà e mò anji ò nyò. Lìwòkìmɛ̀nɛ̀ à mà ayèŋgòwɛ̀, rzìi a ijòwa e ŋgìndì nanù ema, “Njɛnɛ a tɔ̀ti mòŋgòmbè mò amì na lìya la eni e?”

Makòrzì 6:56

Tɔ̀ ima èki ema à mà ɛ̀ndɛ ò màmbòwà marzàlì, na màndɛnɛ na ò ihvaya ema hwatò hwa lìya. Hwatò hwà mà jànà hwà-òkèlì tɔ̀ ima njuka ema hwatò hwà mà arzàŋganɛ ò lì gbeyà è nyòŋga. Nà òmà hwà mà hwa jane hwa rzòrzòmeya Yerzù nanù ema a hwɛmɛ hwà-òkèlì hwa tɔ̀te màà mà awu ò lìrzukù la lìwɔti la eni. Tɔ̀ ima mòòkelì ema à mà tɔ̀tɔ̀ lìrzukù la lìwɔti la ama Yerzù à mà wɔ̀wɔ̀.

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 6:18

Hwà mà jà ndi lì òkànèyà ŋmɛ̀ndì mò ama Yerzù nà lì wɔ̀wìrzɛ̀hwɛ la ì nyàmbɛ ja awu. È wɔ̀ ema hwà mà tàkirzɛhwɛ nà hwèlìŋgɛ̀ hwe wòhwe, wɔ̀ hvɛ hwa mà wɔ̀wìrzɛ̀hwɛ.

Hwègbèèlì 19:12

Hwàtò hwà mà wòwa tɔ̀ ìpɔ̀tìkà na hwehvɛhvɛni ema Pàwolò à mà gbeyàne, ò lì ɛndɛ lì wɔ̀wìrzɛ̀ hwà-òkèlì, na ò lì ulɛ hwèlìŋgɛ̀ hwe wòhwe ò inyò ja hwatò.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.