Lukàrzɛ̀ 6:13 - Mokpwe: Bakwery (New Testament)

¹³ Nà òmà wùùnya wò mà yahwe, rzìi a hwɛlɛ Hwà-òkòwèlì hwa eni ò nyò, rzìi a hvɔ̀rzɔ̀ ò ìtììtènì ja awu lìyòmɛ̀ nà hwàhwàkɛ̀ rzìi a hwa hwɛlɛ ì Àpɔ̀rzìtòlò. Iŋgi Àpɔ̀rzìtòlò ima hwɛ ndi,

Lukàrzɛ̀ 6:13 Mawu Ofanana

Matiyò 10:2

Mììnà mà lìŋgi lìyòme la àpɔ̀rzìtòlò na hwàhwàkɛ̀ ma hwèlì ndi: È wà wòrzò Rzìmɔ̀nì, ema à mà hwɛ̀lɛ̀hwɛ̀ Pètrò nà ŋmanyàŋgò wa eni Àndèlè. Jèmìrzì nà ŋmanyàŋgò wa eni Yòwanìrzɛ̀ hwàànà hwa ama Rzɛ̀bɛ̀dì,

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 9:36

È hvònda Yerzù à mà ɛnɛ è ŋgìndì, à mà è òkeyà ììlì rzayi-rzayi. Èhwanja hwa mà tàkirzɛhwɛ, hwa rza òhve hvɛ tɔ̀ lì òŋgòwànà. Hwa mà hwɛ ndi nàa mɛ̀ɛ̀lɛ̀ŋgù ema me rza òhvɛɛ mɔ̀ɔ̀ŋgèlì.

Makòrzì 6:30

I àpɔ̀rzìtòlò ema Yerzù à mà òme, ima tìmba lì mò ùŋma rzìi hwa mò òhweyà hweyà hwe arzɛ e ma hwà mà gbeye, na hweyà hwe arzɛ e ma hwa mò òkòlɛ̀.

Makòrzì 6:7

À mà hwɛlɛ lìyòmɛ̀ la Hwà-òkòwèlì hwa eni nà hwàhwàkɛ̀ a hwa rzàŋgà rzìi a hwa òma hwàhwàkɛ̀, hwàhwàkɛ̀. A hwa ŋgba hvɛ wònjà ya lì hvayà hwèlìŋgɛ̀ hwe wòhwe.

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Lukàrzɛ̀ 6:14

Rzìmɔ̀nì ema mɔ̀ à mà kpɛ̀ɛ̀ lìinà Pètrò, na ŋmanyàŋgò wà èni Àndèlè, nà Jèmìrzì, Yòwanìrzɛ̀, Hvìlìpì, nà Bàtòlomìyò,

Yòwanìrzɛ̀ 4:33

Hwà-òkòwèlì hwa eni rzìi hwa òhwanɛ̀lɛ mɔ̀kɔ nà ɔ̀nɛyi nanù ema, “Ò hwèlì mòtò ema à mò jànèlì mòlelì e?”

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Ɛ̀hvìrzìyà 2:20

È hwèlì ndi nàa hwèèmà ema hwa gbeyàna o lì oŋgà e ndawò. I àpɔ̀rzìtòlò na hwà-òhwèlì hwa hwèlìŋgɛ̀ hwa gbèyi ndi nàa mɔ̀nɔ̀ŋgɔ̀ mo e ndawò. Yerzù Krirztò mɔ̀ ŋmìti ndi à hwèlì lìwondi la tina.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 21:14

Èŋge ŋgawo ya eŋge mbowà ndɛɛndɛ e ma oŋgahwa ndi o ŋmanyu ya lìyome la mènɔ̀ŋgɔ̀ na mehwakɛ, mìinà mà lìyome la àpɔ̀rzìtòlò na mahwakɛ me ama e Ŋgumà ya Mɔ̀lɛ̀ŋgù me mà tìlahwa o ŋmanyu ya mene mènɔ̀ŋgɔ.