Lukàrzɛ̀ 6:12 - Mokpwe: Bakwery (New Testament)

¹² O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Lukàrzɛ̀ 6:12 Mawu Ofanana

Matiyò 5:1

Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Matiyò 6:6

Ndi inyɔ è kanɛ̀ tɛ, è kpèeyà ò tùu ja anyu, è umbe màwòhva rzìi è kanɛ̀lɛ̀lɛ̀ Lohwɛ̀ Tatɛ̀ wà anyu, ema tɔ̀ mòtò à rza ɛnɛ. Aŋga ndi Lohwɛ̀ Tatɛ̀ wà anyu ema à ɛnɛ mamɛ è gbèyɛ̀nɛ̀ ò wùndɛ̀, à è rzaweya.

Makòrzì 1:35

O ekpààrzɛ̀ è hvònda yà inyànyò, Yerzù à mà tɛ̀mɛ̀ rziì, à wurza ò ndawò, à ɛ̀ndɛ èki yà njuka yà ŋmɛ̀ɛ̀ ema à mà kanɛ̀.

Makòrzì 3:13

Yerzù rziì a àgba ò ŋmanyu yà mòòlì, rzìi a hwɛlɛ hwatò ema mɔ̀ à mà arze, hwa mà mò jèeya.

Makòrzì 6:46

Yerzù à mà apkanɛ̀ èŋge ŋgìndì, rzìi a àgba ò mòòlì ò lì kanɛ̀.

Lukàrzɛ̀ 5:16

Ndi e hvònda e ma ùke, Yerzù à mà ɛ̀ndɛ ò tòŋgòŋgò ya èki ya ŋmɛ̀ɛ ò lì kanɛ̀.

Lukàrzɛ̀ 6:11

Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Lukàrzɛ̀ 9:18

Wùnyà wɔ̀kɔ nà òmà Yerzù a mà hwɛ lì kanɛ̀ ŋmìti, rzìi Hwà-òkòwèlì hwa eni hwa jà ò lì mò ùŋma. Rzìi à hwa ijòwa nanù ema, “Njɛnɛ hwatò hwa òhwa ema nà hwèlì e?”

Lukàrzɛ̀ 9:28

O mburzà yà mèènyà wàmbì ema Yerzù a mà òhwe nanù à mà àgbana Pètrò, Yòwanìrzɛ̀, nà Jèmìrzì ò mòòlì, ò lì kanɛ̀.

Lukàrzɛ̀ 9:29

Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.

Yòwanìrzɛ̀ 6:3

Yerzù à mà agba ò mòòlì rzi a lìya ò rze na hwà-òkòwèlì hwa eni.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.