Lukàrzɛ̀ 6:11 - Mokpwe: Bakwery (New Testament)

¹¹ Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Lukàrzɛ̀ 6:11 Mawu Ofanana

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Matiyò 21:45

Nà òma Ipìlìrzì ndɛnɛ na Ihvàlìrzàyì i ma hweye mene meyàna ema Yerzù à mà kpɛ, hwà mà ayèmbɛ nanù ema wɔ̀ ndi à mà hwɛ lì kpɛ̀ɛyà mene meyàna.

Lukàrzɛ̀ 4:28

Hwatò hwa arzɛ ema hwà mà hwɛ ò ndawò yà màkanɛ̀, hwa mà hweye nanù, hwa mà ònda nà hwètàtò.

Lukàrzɛ̀ 6:10

À mà hwa akɛlɛlɛ hwa arzɛ mììrzɔ̀, rzìi a òhweyà òŋgò mòtò nanù ema, “Ènyòwa mɔ̀ɔ̀ mò aŋgɔ̀.” Oŋgò mòtò à mà gbeyà nà òmà Yerzù a mà òhwe, rzìi mɔ̀ɔ̀ mò eni mò wɔ̀hweyà.

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Hwègbèèlì 26:11

O ŋgèlì rzayì-rzayì hvɛ imba nà mà hwɛ lì hwa kɔ̀kìrzɛ̀ ò tenì ya indawò ja màkanɛ̀ ja wònyà Yudà ja arzɛ, ndeŋgànɛlɛ nà mà hwɛ hvɛ lì arza nanù ema hwa òhwe hweyà hwe wòhwe ò lì teŋgɛ̀nɛ̀ Yerzù. Imba nà mà hwa tàtàna rzàyi-rzàyi nyàyi ema nà mà hwɛ lì ɛndɛ ò màhvɛhvɛ mambòwà nà ò hwehvɛhvɛ hwèkòmè ò lì hwa tàkirzɛ.”

Hwègbèèlì 4:15

O èŋgànɛ̀lɛ̀ hwà mà òhweyà Pètrò nà Yòwanìrzɛ̀ ò lì anjiya ò ilùkù ja hwàkàyirzèlì, rzìi hwaŋga hwàkàyirzèlì hwa wòteyà lì chakùmɛ̀lɛ̀ eŋge mbɔrzi wɔ̀ na wɔ̀.

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

Hwègbèèlì 5:33

Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

Hwègbèèlì 7:54

Nà òma wòlìya wò mbòwa hwà mà òkànèyà hweyà ema Rzìtehvànɛ à mà hwɛ lì òhwa, wɔ̀ hwà mà òhva hwetatò rzayi-rzayi rzìi hwa a kɔ̀kɔ̀ mehvehve me awu.

2 Tìmotì 3:9

Ndi wɔ̀ hwa o lukɛlɛ ndi hwatò ò ŋmanà hvoka hvonda mɛnɛ, èhwanja hwatò hwa o ayembɛ èèti ya awu ŋgàna hvɔ̀kɔ nà oma e ma gbèyɛ̀nɛ hvɛ na Jànɛ̀rzi na Jàmbrɛ̀rzi.