Lukàrzɛ̀ 5:30 - Mokpwe: Bakwery (New Testament)

³⁰ Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Lukàrzɛ̀ 5:30 Mawu Ofanana

Matiyò 5:46

O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Matiyò 9:11

Nà òma lòŋgò la Ìhvalìrzàyì i ma ɛnɛ na òma Yerzù à mà lìya na iŋgi nyayi ja hwatò, rzìi hwa ijòwa hwà-òkòwèlì hwa ama Yerzù nanù ema, “O mamɛ ndeŋgatɛ è Mòòkòlèlì wa anyu, a làlɛ̀nɛ̀ nà hwàrzàŋgèlì hwa e njàŋge yà lìkànèyà nà hwatò hwa wòhwe e?”

Makòrzì 2:16

Lòŋgò la hwà-òkòlèlì hwa mbenda ema hwà mà hwɛ Hvalìrzàyì hwa mà ɛnɛ Yerzù à làa nà hwaŋga hwatò hwa wòhwe nà hwàrzàŋgèlì hwa è njàŋge yà lìkànèyà, hwa mà ijòwa hwà-òkòwèlì hwa eni nanù ema, “Mamɛ ndèŋgàtɛ̀ Yerzù à làa nà iŋgi nyàyi ja hwatò e?”

Makòrzì 7:3

Ihvalìrzàyì nà e wɔ̀ hwa Yudà hwa arzɛ̀ hwa rza làa mòlelì e rzì hwɛ ema hwa rzòrzì màà mà awu. Nànù ndì ìmbamba ja awu ja kòhwà ì mà hwa òkòlɛ̀.

Makòrzì 9:16

Yerzù rzìi a ijòwa hwà-òkòwèlì hwa eni nanù ema, “Mamɛ e hwèlì lìtìŋga la anyu la hvèndà e?”

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”

Lukàrzɛ̀ 7:34

È Ŋmanà wà e Mòtò wà Hwènàmà, à jelì, à làa mòlelì, à nyɔ mììmba, inyɔ ema, ‘È mò ɔ̀ŋgɔ aŋga, à òndì njɔ̀ŋgu. À òndi mbòma, à hwèlì hvɛ ndi è mbunda yà hwàrzàŋgèlì hwa njàŋge ya lìkànèyà, nà hwatò hwa wòhwe.’

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Hwègbèèlì 23:9

Malò ma awu ma mà hwɛ ndi lì agba ò ŋmanyu. O eŋgànɛ̀lɛ̀ lòŋgò la hwà-òkòlèlì hwa e mbenda ema hwà mà hwɛ ndi ò ehvehva ya Hvàlìrzàyì, hwà mà tɛ̀mɛ̀nɛ̀ ò ŋmanyu, rzìi hwa tɛɛ na ŋginyà nanù ema, “Irzɔ i rza lùwànì ònò mòtò tɔ̀ njɔ̀mi. È tànɛyi lì hwɛ nanù ema, èlìŋgɛ̀ tɔ̀ aŋgèlì ndi e ma mò òhweyà eyà!”