Lukàrzɛ̀ 5:29 - Mokpwe: Bakwery (New Testament)

²⁹ Lɛ̀hvì rzìi a rzèkeyà Yerzù ndèma ndɛnɛ̀ ò ndawò yà èni. Rzayì-rzayì ja hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa mà ùkeya aŋga.

Lukàrzɛ̀ 5:29 Mawu Ofanana

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Matiyò 5:46

O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Matiyò 9:10

Ò mburza hvònda, Yerzù à mà ɛndɛ ò ndawò yà àma Matìyò ò lì làa. Rzayì-rzayì ja hwàrzàŋgèlì hwa e njàŋge yà lìkànèyà, na hwatò hwa wòhwe wɔ̀ hvɛ hwa ma ùkeya aŋga rzìi hwa lìya na Yerzù na hwà-òkòwèlì hwa eni.

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

Makòrzì 2:15

O mburzà hvònda nà òmà Yerzù à mà hwɛ lì làa ò ndawò yà àma Lɛ̀hvì. Rzayì-rzayì ja hwàrzàŋgèlì hwa njàŋge yà lìkànèyà, nà hwahvɛhvɛ hwatò hwa wòhwe hwa mà hwɛ lì nɔ̀ŋgɔ̀ Yerzù. Hwà mà hwɛ lì làa na mɔ̀ nà hwà-òkòwèlì hwa eni ò tehwèlì.

Lukàrzɛ̀ 15:1

Wùnya wɔ̀kɔ, hwàrzàŋgèlì hwa è njàŋge yà lìkànèyà, nà hwahvɛhvɛ hwatò hwa wòhwe hwa mà ja ò ma Yerzù ò lì mò òkànèyà.

Yòwanìrzɛ̀ 12:2

Hwà mà mò wòŋgìrzɛ̀nɛ̀ jùùmɛ̀ ja lì làa, ema iyɛ Mata à mà òŋgòwànè lì hwa hvùrzùhweyà. Làrzàrɔ̀rzì mɔ̀hvɛ à mà hwɛ mɔ̀kɔ wà awu ema à mà hwɛ èki ya hwèlèelì na Yerzù.

1 Kɔ̀rintìyà 10:27

O yohwɛhwɛ tɛ na mòtò ema à rza hwiyɛ Yerzù o lì làa mòlelì rzi o kàmanɛlɛ nanù ema ò ɛ̀ndɛ̀, làa tɔ̀ mamɛ ema e o rzèkahwɛlɛ e rzi hwɛ miijowelì lì hvomɛ̀nɛ̀ mòlelì, aŋga nanù o rza tàkirzɛ mèèmà mo aŋgɔ.