Lukàrzɛ̀ 5:27 - Mokpwe: Bakwery (New Testament)

²⁷ O mburzà hvònda, Yerzù à mà anjiya ò èŋge èki. O hwɛ̀ɛ̀ndèlì hwe eni a ɛnɛ̀ mɔ̀kɔ̀tèlì mɔ̀kɔ wà è njàŋge yà lìkànèyà à ma hwɛ̀lɛ̀hwɛ̀ Lɛ̀hvì. À mà lìya ndi ò tenì ya èŋge ndawò ema a mà hwɛ lì rzàŋgeya è njàŋge yà lìkànèyà. Yerzù rzìi à mò òhweyà nanù ema, “O nò òŋgame.”

Lukàrzɛ̀ 5:27 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 8:22

Ndi Yerzù à mà mò alàhwɛ̀ nanù ema, “Ò nò òŋgame, hwɛ̀mɛ̀ hwaŋga hwatò ema hwa mà ŋwɛ, hwa ìmeyà hwaŋga hwatò ema hwa ŋwelì.”

Makòrzì 3:18

Àndèlè, Hvìlìpì, Bàtòlomìyò, Màtìyò, Tɔ̀màrzì, Jèmìrzì è ŋmanà wà àma Alìhvɔ̀rzì, Tàdìyòrzɛ̀, Rzìmɔ̀nì mòtò ema lì emeyà la eni lì rza àyèŋgòwɛ̀,

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.