Lukàrzɛ̀ 5:22 - Mokpwe: Bakwery (New Testament)

²² Yerzù à mà hwiya màlùtèyà ma awu. Àŋga ndi à hwa ijòwa nanù ema, “Mamɛ ndeŋgàtɛ è lùteyà hwenè hweyà ò mèèmà me anyu e?

Lukàrzɛ̀ 5:22 Mawu Ofanana

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 12:25

Yerzù à mà hwiya mɔ̀ŋgɛ̀lɛ̀ ma awu, rzìi a hwa òhweyà nanù ema, “Tɔ̀ ima èkòmè ema e akahwanɛ ema e rzà òhwa eyà yɔ̀kɔ, e hwenì ndi lì hvaŋgeyà. Ndèŋgànà tɔ̀ ima mbòwà, tɔ̀ lìtumba ema lì akahwanɛ lɔ̀ lìti, ndèŋgànà hwatò hwa rza ahweyànɛlɛ lì rza tànɛyi lì tɛ̀mɛ̀.

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 8:17

À ma hwiyà mamɛ hwà mà hwɛ lì òhwa, rzìi a hwa ijòwa nanù ema, “Mamɛ ndèŋgàtɛ̀ e òhwa lì hvòmɛ̀nɛ̀ ema è rza òhvi tɔ̀ hwèhvòòtò e? Nàtɛ̀ɛ na nàŋgɛ è rza hwi tɔ̀ lì rzɔ̀ŋgìtɛ̀nɛ̀ e? Mamɛ ndèŋgàtɛ̀ mèèmà me anyu me eti e?

Lukàrzɛ̀ 24:38

Yerzù à mà hwa ijòwa nanù ema, “Mamɛ ndeŋgàtɛ e jejì e? Mamɛ ndeŋgàtɛ mèèmà me anyu me òndì nà hwàmɛ e?

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”

Lukàrzɛ̀ 5:23

Ì ma yɔ̀ e wɔ̀hwèlì, ò lì òhwà nanù ema, ‘Nà ò làkirzɛ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò wòteyà lì ɛ̀ndɛ̀ e?’

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.