Lukàrzɛ̀ 5:20 - Mokpwe: Bakwery (New Testament)

²⁰ Nà òmà Yerzù a mà ɛ̀nɛ lìlòkɛ̀ là hwaŋga hwatò, rzìi a òhweyà òŋgò mòtò wà njɛmbu nanù ema, “Ŋmàyi e, nà ò làkìrzɛ̀ wòhwe wa aŋgɔ̀.”

Lukàrzɛ̀ 5:20 Mawu Ofanana

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Matiyò 9:5

Ì ma yɔ̀ e wɔ̀hwèlì, ò lì òhwà nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò wòteyà lì ɛ̀ndɛ̀ e?’

Makòrzì 2:5

Nà òmà Yerzù a mà ɛnɛ̀ lìlòkɛ̀ la awu, rzìi a òhweyà òŋgò mòtò wà njɛmbu nanù ema, “Ŋmanà wà amì, nà ma ò làkìrzɛ̀ wòhwe wò aŋgɔ.”

Lukàrzɛ̀ 7:48

Yerzù rzìi, a òhweyà òŋgò mòlanà nanù ema, “Wòhwe wò aŋgɔ̀ wò làkìrzɛ̀hwɛ̀yi.”

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 5:14

O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

Jèmìrzì 2:18

Mòtò mɔ̀kɔ a no òhweyà nanù ema, “Ono mòtò a ohvi lìlòkɛ̀, ɔ̀nɛyi mɔ̀ hvɛ a gbeyà hweyà hwe gbamù.” Nà mo alàhwɛ̀ nanù ema, “O no uŋmɛ̀lɛ̀ nɛ mòtò a tànɛyi lì hwɛnɛ lìlòkɛ̀ ema a rza gbeyɛ hweyà hwe gbamù, na o uŋmɛ̀lɛ̀ lìlòkɛ̀ la ami o hweyà hwe gbamù ema na gbeyà.”