Lukàrzɛ̀ 5:11 - Mokpwe: Bakwery (New Testament)

¹¹ Nà òmà hwa mà rzɛ mɔɔlɔ̀ ma awu ò rzaàwà, hwa mà rzɔnjɛ̀lɛ̀ hweemà hwe àrzɛ, rzìi hwa wòteya lì òŋgama Yerzù.

Lukàrzɛ̀ 5:11 Mawu Ofanana

Matiyò 10:37

“Tɔ̀ ima mòtò ema a lìŋgàni e rzàŋgò tɔ̀ e nyàŋgò ya eni lì nò aka, a rza tànɛyi lì hwɛ e mòòkòwèlì wa ami. Tɔ̀ ima mòtò ema a lìŋgàni e ŋmanà ŋgɔ̀ndɔ̀ tɔ̀ e mberza ya eni lì nò aka, a rza uki hvɛ tɔ̀ lì hwɛ e mòòkòwèlì wà ami.

Matiyò 19:27

Pètrò rzìi a ijòwa Yerzù nanù ema, “Ɔ̀ŋgɔ tɛ, irzɔ i hwɛmi hwe arzɛ ò lì ò nɔ̀ŋgɔ! Mamɛ rzɔ e ò hwɛ mɔrzɛŋgi mò arzu e?”

Matiyò 19:29

Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.

Matiyò 4:20

O wòtɛmɛ̀tɛmɛ̀ wɔ̀ hwa mà rzɔnjɛ̀lɛ̀ imbunja ja awu rzi hwa òŋgamà Yerzù.

Matiyò 4:22

Lìwòkìmɛnɛ hwa mà rzɔnjɛ̀lɛ̀ wɔ̀ɔ̀lɔ̀ wò awu nà è rzaŋgò yà awu, rzìi hwa nɔ̀ŋgɔ Yerzù.

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Lukàrzɛ̀ 5:28

Lɛ̀hvì a tɛ̀mɛ̀ ò ŋmanyu, a rzɔnjɛ̀lɛ̀ hwèèmà hwe àrzɛ, rzìi a òŋgama Yerzù.