Lukàrzɛ̀ 5:10 - Mokpwe: Bakwery (New Testament)

¹⁰ Hwaana hwa ama Rzɛ̀bɛ̀dì, ema hwa hwɛ̀lɛ̀hwɛ̀ Jèmìrzì nà Yòwanìrzɛ̀ ema wɔ̀ hvɛ hwà mà hwɛ lì lɛ̀mbɛ inyàmà wɔ̀ hvɛ hwa mà jeja. Ɔ̀ndi Yerzù a òhweyà Rzìmɔ̀nì Pètrò nànù ema, “Ò rzi òka wɔ̀ŋgɔ̀! Lìwòteya nàŋgɛ ò rzèkeya mèèmà me hwatò ò lì nò òŋgama.”

Lukàrzɛ̀ 5:10 Mawu Ofanana

Matiyò 13:47

Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Matiyò 14:27

Yerzù rzìi à hwa òhweyà lìwòkimɛnɛ nanù ema, “È àyètìrzɛ̀ mèèmà! Imba Yerzù e rzi òka wɔ̀ŋgɔ̀.”

Matiyò 20:20

O mburza hvònda, e jòjìyɛ̀ ya ama Rzɛ̀bɛ̀dì e ma jà òma Yerzù na hwàna hwa eni hwa wunyanà hwahwàkɛ. Rzi a rzùmeya Yerzù màwɔ̀ŋgɔ̀ŋgɔ̀ ò rze, rzìi a mò atɛkɛ ò lì mò gbeyà eyà.

Matiyò 4:19

Yerzù rzìi à hwa òhwèyà nanù ema, “È jèe è nò nɔ̀ŋge. Nà òma inyɔ è lɛ̀mbɛ inyàmà ja màlihwa naŋgɛ, nà è òkòlɛ nɛ inyɔ è tanɛyi lì rzèkeya mèèmà mè hwatò ò lì nò òŋgama.”

Matiyò 4:21

Nà òma hwa mà rzùrzùhweya ò wòrzò, Yerzù rzi à ɛnɛ hvɛ hwahvɛhvɛ hwàna hwa wunyanà hwahwàkɛ, hwa nyàŋgò hvɔ̀kɔ Jèmìrzì nà ŋmanyàŋgò wà eni Yòwanìrzɛ̀. Hwa mà hwɛ ò tenì yà wɔ̀lɔ̀ wɔ̀kɔ nà è rzàŋgò yà awu Rzɛ̀bɛ̀dì hwa mà hwɛ lì rzɛ̀ŋgɛnɛ imbunja ja awu. Yerzù rzìi à hwɛlɛ hwaŋga hwàna hwa wunyanà hwàhwàkɛ̀ ema hwa mò nɔŋge.

Makòrzì 1:17

Yerzù rzìi à hwa òhweyà nanù ema, “È jèe è nò nɔ̀ŋge. Nà òma inyɔ è lɛ̀mbɛ inyàmà jà màlihwa naŋgɛ, nà è òkòlɛ nɛ inyɔ è tanɛyi lì rzèkeya mèèmà mè hwatò ò lì nò òŋgama.”

Lukàrzɛ̀ 5:7

Àŋga ndi hwà à tɛ nà lì hvɛ̀tɛlɛ ì mbunda jà awu, ema hwà mà hwɛ wònɛ̀yi wɔ̀lɔ̀, nanù ema hwa jè hwa wò òŋgòwànè. Nà òmà hwa mà jèe, rzìi hwa òndìrzɛ̀ mɔɔlɔ̀ ma ahwàkɛ nà nyàmà, natɛ̀ɛ maŋga mɔɔlɔ̀ ma wòteya lì indà.

Lukàrzɛ̀ 5:9

Ènè èlɛ̀mbelì ya nyàmà, e mà tàmirzɛ Rzìmɔ̀nì Pètrò nà hwanɛ̀yi hwatò hwa mèrzòmbò hwa arzɛ.

Lukàrzɛ̀ 6:14

Rzìmɔ̀nì ema mɔ̀ à mà kpɛ̀ɛ̀ lìinà Pètrò, na ŋmanyàŋgò wà èni Àndèlè, nà Jèmìrzì, Yòwanìrzɛ̀, Hvìlìpì, nà Bàtòlomìyò,

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

2 Kɔ̀rintìyà 8:23

Tàyìtùrzì, à mà no oŋgama i hvonda ja arzɛ o lì gbeyà èwòlò ya lì e òŋgòwàna. Hwanɛ̀yi wònyànyàŋgo wa arzu hwa Krirztò, ema hwa ɛ̀ndɛ na Tàyìtùrzì, hwa hwèlì ndi hwatò ema ŋmèmba mo mà omɛ o lìnà la awu, ndèŋgànɛlɛ tɔ̀ ima ekì ema hwa ɛndɛ, na hweyà hvɛ ema hwa gbeyà, hwe jàneyà Krirztò èluhwe.

2 Tìmotì 2:26

Ène e hwa gbeyà hwa jà o mahwiye ma awu, rzìi hwa anjiya o ŋgùndèli ya ama mòkarzɛ̀. Mòkarzɛ̀ à mà màa lì hwa lɛmbɛ na lì hwa lukɛlɛ o lì gbeyà mamɛ ema mɔ̀ à arza nanù ema hwa gbeye.