Lukàrzɛ̀ 4:6 - Mokpwe: Bakwery (New Testament)

⁶ Rzìi à mò òhweyà nanù ema, “Nà ò ŋgbà ìŋginyà nà hwèluhwe hwe awu hwe àrzɛ, èhwanja hwe nò ŋgbàahwì, nà tànɛyì lì hwe ŋgbà tɔ̀ njɛnɛ ema na àrza lì ŋgbà.

Lukàrzɛ̀ 4:6 Mawu Ofanana

Lukàrzɛ̀ 4:7

O èŋgànɛ̀lɛ̀ ò nò ŋgbèlì tɛ èluhwe nà ò ŋgbà è hweyɔ hwe àrzɛ.”

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

2 Kɔ̀rintìyà 11:14

Ène eyà e rzà no tàmìrzɛ̀ èhwanja, tɔ̀ Mòkarzɛ̀ mɔhvɛ a àwuŋmɛ̀lɛ̀ mo ŋmìti hwa ɛnɛ oma a hwèlì ndi aŋgèlì yà ama Lohwɛ̀ ya wòtani.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:2

Èŋge èembe ema nà mà ɛnɛ̀ e ma àyɛkɛ̀nɛ ndi ikɔ̀ ja njɔ̀ɔ, ndi màtaŋgà mà eni ma mà àyɛkɛ̀nɛ matàŋgà mà mòòŋgì, ndèŋgànɛlɛ e wàna ya eni hvɛ e ma àyɛkɛ̀nɛ e wàna ya njila. È dragɔ̀ni e ma ŋgbàà eŋge èembe e konda na e wònja ya eni ya lìkànèyà.

Hwèwulùwèlì 13:7

Lohwɛ̀ è mà ŋgba eŋge èembe è wònjà o lì anana hwatò hwa eni nà ò lì hwa rzùùwanà. À mà ŋgbààhwà wònjà ò lì kànèyà màtumba nà màtumba, hwèkòmè nà hwèkòmè, tɔ̀ ima imbɔrzi nà ì nyàyi nà nyàyi jà hwatò.