Lukàrzɛ̀ 4:41 - Mokpwe: Bakwery (New Testament)

⁴¹ Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 4:41 Mawu Ofanana

Matiyò 26:63

Ndi Yerzù à mà andama e ye eni ŋmɛɛ. È Pìlìrzì e karzami e ma mò òhweyà hvɛ nanù ema, “O lìinà la ama Lòohwà ema lì hwèlì lòŋgɛ, na ò kànèlì na yòmbò ema ò jò òhweyà ŋga ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà e?”

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Matiyò 8:16

È hvònda yà è ŋgòmbe yà lohwà, hwatò hwa mà jàneyà Yerzù rzayì-rzayì ja hwatò ema hwa mà òhva hwèlìŋgɛ̀ hwe wòhwe ò tenì ja awu. Yerzù à mà gbeyànà è mbɔrzi yà eni yà wàna ò lì ulɛ̀ hweŋge hwèlìŋgɛ̀ hwe wòhwe, rzìi à wɔ̀wìrzɛ̀ hvɛ hwaŋga hwatò hwa arzɛ ema hwa mà ɔ̀kìrzɛ̀.

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Matiyò 8:4

Yerzù rzìi à mò òhweyà nanù ema, “O rzìi keka lì òhweyà tɔ̀ mòtò tɔ̀ mɔ̀kɔ eyà ema è gbèyɛ̀nɛ̀. Ndi ò ɛ̀ndɛ wà awuŋmɛ̀lɛ̀ ò wà hwitì ò mà è Pìlìrzì à ò inje. Rzìi ò ŋgbe hvɛ jàhwèyà nàa è mbenda yà ama Mòrzè è òhwa ò lì uŋmɛ̀lɛ̀ nanù ema ò mà rzàŋga.”

Makòrzì 1:25

Yerzù à mà kànèyà èŋge èlìŋgɛ̀ yà wòhwe nanù ema, “Andama! Ò mò wurze ò nyò.”

Makòrzì 1:32

O èŋge ŋgòmbe nà òmà èlohwàlohwà è mà rzìhwe, hwatò hwa mà jàneyà Yerzù hwaŋga hwatò ema hwa mà ɔ̀kìrzɛ̀ nà hwaŋga ema hwa mà òhva hwèlìŋgɛ̀ hwe wòhwe.

Makòrzì 1:34

Yerzù à mà wɔ̀wìrzɛ̀ rzayì-rzayì jà hwatò ema hwa mà ɔ̀kìrzɛ̀ nyayi nà nyayi jà nyàmbɛ. À mà hvaya hvɛ hwèlìŋgɛ̀ hwe wòhwe ò inyò jà hwatò. À rzì ŋgbe hwèlìŋgɛ̀ hwe wòhwe ehvòlò ema hwe tɔ̀wu, èhwanja hwe mà hwiya njɛnɛ Yerzù à hwèlì.

Makòrzì 3:11

Tɔ̀ ima hvònda ema hwèŋge hwèlìŋgɛ̀ hwe wòhwe ema hwe ma hwɛ ò hwatò hwe mà mò ɛ̀nɛ, hwe mà kpìrzɛ hwaŋga hwatò ema hwe ma hwɛ ò tenì ya awu. Hwe hwa tɛ̀yìrzɛ merzeya nanù ema, “Ò hwèlì ndi è Ŋmanà wà àma Lohwɛ̀!”

Lukàrzɛ̀ 4:39

Yerzù rzìi a tòmbeya ò tòŋgòŋgò yà èni, a ujama rzi a kànja èŋge ŋgɔwu ema e mò hwɛ̀mɛ̀, ò wòtɛmɛ̀tɛmɛ̀ èŋge ŋgɔwu rzìi e mò hwɛ̀mɛ̀. Rzìi à tɛ̀mɛ̀ a hwa kàrzɛ̀.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.