Lukàrzɛ̀ 4:35 - Mokpwe: Bakwery (New Testament)

³⁵ Yerzù à mà kànèyà èŋge èlìŋgɛ̀ ya wòhwe nanù ema, “Andama! O mò wurze ò nyò.” Rzìi èŋge èlìŋgɛ̀ ya wòhwe e kpìrzɛ̀ òŋgò mòtò ò rze, ò ìtììtènì ja hwatò hwa arzɛ, rzìi e mò wurza ò nyò, e rzì hwɛ lì mò hwènirzɛ.

Lukàrzɛ̀ 4:35 Mawu Ofanana

Matiyò 17:18

Yerzù rzìi a kànèyà eŋge èlìŋgɛ̀ ya wòhwe rzìi e wurza òŋgò ŋmanà wa munyanà, lìwòkimɛnɛ a wɔ̀wɔ̀.

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Makòrzì 1:26

Èŋge èlìŋgɛ̀ yà wòhwe è rzòkòmɛ̀lɛ̀ òŋgò mòtò nà ŋginyà è tɛɛ rzìi è ànjiya ò nyò yà eni.

Makòrzì 4:39

Yerzù rzìi a tɛ̀mɛ̀ ò ŋmanyu a lòmeyà e mbɛ̀hvɛ̀nì nanù ema e yɔ̀yeyà, rzìi a òhweyà hwèmùnɛ̀ ema hwe lɔ̀kɔ̀meyà, è mbɛ̀hvɛ̀nì e yɔ̀yeyà rzìi èki ya arzɛ hvɛ e hwɛ ŋmɛ̀ɛ.

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Lukàrzɛ̀ 11:22

Ndi è mɔ̀ ema à imbami lì mò akà, à mò urzuhwèlì tɛ, rzìi a mò lùwa rzìhwɛ, à mò wòwànà hwɛ̀ɛ̀kɛ̀ hweni hwe njùma. À ɛ̀ndɛ̀ lì hwàà hwèŋge hwemà ema a mò wòwanì.”

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Lukàrzɛ̀ 4:39

Yerzù rzìi a tòmbeya ò tòŋgòŋgò yà èni, a ujama rzi a kànja èŋge ŋgɔwu ema e mò hwɛ̀mɛ̀, ò wòtɛmɛ̀tɛmɛ̀ èŋge ŋgɔwu rzìi e mò hwɛ̀mɛ̀. Rzìi à tɛ̀mɛ̀ a hwa kàrzɛ̀.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 8:24

Wɔ̀ rzìi hwa ɛ̀ndɛ lì mò imòlɛ̀ ò lì mò òhweyà nanù ema, “Ìi Rzàŋgò kòkò, ìi Rzàŋgò kòkò, kàà irzɔ ja à ŋwa ò!” Yerzù rzìi a ìmòwà ò ìjɔ, a lòmeya è mbɛ̀hvɛ̀nì, nà hwèmùnɛ̀, ò wòtɛmɛ̀tɛmɛ̀ rzìi hwe lɔ̀kɔ̀meyà, èki ya arzɛ e hwɛ ŋmɛ̀ɛ̀.

Lukàrzɛ̀ 9:39

Èlìŋgɛ̀ ya wòhwe e yɔki lì mò tàkirzɛ. È mò lɛ̀mbi tɛ, a tɛɛ, a kpa ò rze, e mò nyìŋgìrzɛ̀nɛ̀ natɛ̀ɛ ì njɔ̀ŋgɔ̀ ì mò wurzà ò wàna. È rza mò hwɛmɛ natɛ̀ɛ à kùwà lì hwèna.

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Hwèwulùwèlì 12:12

O èŋgànɛ̀lɛ̀ rzɔ, e ŋmanyu yà lohwà na hwaŋga hwatò hwa arzɛ ema hwa hwèlì aŋga hwa àŋgàmɛ̀nɛ̀yi lì oka mɔ̀nyɛ̀ŋgì. Ndi èwòmɛ̀ na hwatò ema hwa hwèlì o e rze ya mɔ̀nyɛ̀, na o ŋmànja, ehwànja e Dɛhvùlì à mà e rzihweyà na hwetato hwe ndɛnɛ, ehwànja a hwi nanù ema e hvonda ya eni e ma utuhwa.”