Lukàrzɛ̀ 4:32 - Mokpwe: Bakwery (New Testament)

³² Wɔ̀ hwa arzɛ hwa mà tàmeyà hwèyòkòlèlì hwe eni, èhwanja ŋmɛ̀ndì mò hwèyòkòlèlì hwe eni mò mà òhva màyìmbì.

Lukàrzɛ̀ 4:32 Mawu Ofanana

Makòrzì 1:22

Hwatò ema hwa mà hwɛ lì mò òkànèyà, hwa mà tàmeyà hwèyòkòlèlì hwe eni èhwanja a mà òkòlɛ̀nɛ̀ nà lìkànèyà, à rzi hwɛ lì òkòlɛ̀ nàa Hwà-òkòlèlì hwa mbenda.

Lukàrzɛ̀ 2:47

Hwa arzɛ ema hwà mà hwèya hweyà ema Yerzù a mà òhwe, hwa mà tàmeya lìhwiyè nà hwè-alàhwèlì hwe eni.

Lukàrzɛ̀ 4:33

O tenì yà èŋge ndawò yà màkanɛ̀ ema à mà hwɛ lì òkòlɛ̀, ò mà hwɛ mòtò ema èlìŋgɛ̀ ya wòhwe ema hwɛ lì kànèyà. Òŋgò mòtò à mà tɛ̀ɛ̀ nà lìlò lì Karzami nanù ema,

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Yòwanìrzɛ̀ 7:46

Rzìi hwàkutu hwa e Ndawò yà Lohwà hwa òhwa nanù ema, “I rzi hweyi wùnyà ema mòtò à mà òhwɛ nàa ò nò mòtò a òhwi.”

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

1 Tɛ̀rzàlonìyà 1:5

I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.

Tàyìtùrzì 2:15

O eŋgànɛ̀lɛ̀ rzɔ̀, o òkolɛ hwatò hwene hweyà. O embɛ nà lì kànja na lìkànèyà ema Lohwɛ̀ à mà o ŋgbɛ. O rzi keka lì emeyà nanù ema tɔ̀ mòtò tɔ̀ mɔ̀kɔ a o ndinde.