Lukàrzɛ̀ 4:23 - Mokpwe: Bakwery (New Testament)

²³ Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Lukàrzɛ̀ 4:23 Mawu Ofanana

Matiyò 13:54

rzi a timba ò lì ɛndɛ ò mbòwa ya eni. A wòteyà lì òkòlɛ hwatò ò ndawò ya màkànɛ. Ndèŋgànà hwaŋga hvɛ ema hwa ma mò òkànèyà hwa ma tàmà. Rzi hwa wòteyà ò lì ijòwa nanù ema, “One mɔ̀ à lu lìni lìhwiyè e? O nɛ mɔ̀ à gbèeyà hwene hweyà hwe arzɛ hwe mànyakà e?”

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Makòrzì 6:1

Yerzù à mà ànjiya aŋga òma rzìi a timba ò mbòwà yà èni nà Hwà-òkòwèlì hwe eni.

Lukàrzɛ̀ 2:39

È hvònda ema Jòrzɛ̀hvù nà Màlìyɛ̀ hwa mà kulɛ lì gbeyà hweyà hwe àrzɛ nà òmà è mbenda ya ama Lohwɛ̀ e mà òhwe, hwa mà tìmbà ò mbòwà yà awù yà Nàrzàrɛ̀tì, ò èkòmè yà Galìlì.

Lukàrzɛ̀ 2:51

Aŋgà ndi Yerzù a ɛ̀ndɛ nà rzàŋgɛ nà nyàŋgɛ, rzìi hwa tìmba ò Nàrzàrɛ̀tì. À mà hwa hweyàna. Nyàŋgɛ à mà ùta hwenè hweyà hwe àrzɛ ò ŋmèma mò eni.

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Lukàrzɛ̀ 4:31

Yerzù à mà ɛ̀ndɛ ò Kàpɛ̀nàwɔ̀mì, ò erzòòkà yà Galìlì, rzìi a wòteyà lì òkòlɛ̀ hwatò ò Wùnyà wò lì Arzìyòlɛ̀.

Lukàrzɛ̀ 4:35

Yerzù à mà kànèyà èŋge èlìŋgɛ̀ ya wòhwe nanù ema, “Andama! O mò wurze ò nyò.” Rzìi èŋge èlìŋgɛ̀ ya wòhwe e kpìrzɛ̀ òŋgò mòtò ò rze, ò ìtììtènì ja hwatò hwa arzɛ, rzìi e mò wurza ò nyò, e rzì hwɛ lì mò hwènirzɛ.

Lukàrzɛ̀ 6:42

Nɛ rzɔ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema, ‘Ŋmanyàŋgò wà ami, inyɛ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀,’ ema ò wà hwìti ò rza tànɛ̀yi lì ɛnɛ ètùmba ema è hwèlì ò lìrzɔ̀ là aŋgɔ̀ e? Ò wà mòtò wà mèhvìlì! Lòma lì ulɛ̀ ètùmba ema è ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ là ama ŋmànyɔ̀ŋgɔ̀ wà aŋgɔ̀.

Yòwanìrzɛ̀ 4:28

Oŋgò mòlanà rzìi, a rzɔnjɛ̀lɛ̀ itɛŋgɛ ja eni ja malìhwa aŋga. A tìmba lì ɛ̀ndɛ ò mbòwà rzìi a òhweyà hwatò nanù ema,

2 Kɔ̀rintìyà 5:16

Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.