Lukàrzɛ̀ 4:20 - Mokpwe: Bakwery (New Testament)

²⁰ Nà òma Yerzù a ma kulɛ lì laŋga, rzìi a lìŋgɛ̀lɛ̀ èŋge yòwò ya mòtìlà, a e timbirzɛlɛlɛ è Mòkànèlì wà è ndawò yà màkanɛ̀, rzìi a lìya ò rze. Hwatò hwa arzɛ ema hwà mà hwɛ aŋga, hwa mà mò rzòkɛ mìirzɔ̀ hvɛ̀nyɛ-hvɛ̀nyɛ.

Lukàrzɛ̀ 4:20 Mawu Ofanana

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Matiyò 27:60

Rzìi à naŋgɛ̀lɛ mòŋgò ŋmììmbà ò rzɔ̀ŋgɔ̀ yà eni ema è mà hvòmàhwà ò tenì yà ekɔ̀kɔ̀ yà lìŋyàyi. Èŋge rzɔ̀ŋgɔ̀ è mà hwɛ ndi rzɔ̀ŋgɔ̀ hvènya yà ama Jòrzɛ̀hvù. Ò mburza nanù, rzìi à iŋgòlɛ lìŋyàyi lì ndɛ̀ɛ̀nɛ̀ ò lì umba hwèkpèèlì hwe eŋge rzɔ̀ŋgɔ̀ rzìi à ɛndɛ è yà eni.

Lukàrzɛ̀ 19:48

Ndi ò rzi hwɛ tɔ̀ Èya ema hwa mà tànɛyi lì gbeyà èhwànja hwatò hwa àrzɛ hwa mà lìŋgàna mamɛ yà àrzɛ ema Yerzù à mà hwɛ lì òhwa nà mèèmà mè awu mè arzɛ.

Lukàrzɛ̀ 4:17

À ma tɛtirzɛhwɛ yòwò ya mòtìlà mò ama è Mòòhwèlì wà Èlìŋgɛ̀ Àyìrzayà. A mà e wuluwe, rzìi a ɛnɛ èki ema e tìlahwi nanù ema,

Lukàrzɛ̀ 4:21

Rzìi à wòteya lì hwa òhweyà nanù ema, “Ène mbɔrzi ema e hweyi nanù, e ma òndìrzɛ̀hwɛ yàwònò.”

Lukàrzɛ̀ 5:3

À mà kpèeyà ò tenì yà wɔ̀lɔ̀ wò ama Rzìmɔ̀nì, rzìi à lìya ò rze, rzìi à òhweyà Rzìmɔ̀nì ema, a wò rzɛkɛlɛ teŋyi ò tenì yà yùlù. Àŋga ndi à mà wòteya lì òkòlɛ̀ è ŋgìndì.

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Hwègbèèlì 16:13

O Wùnya wò lì Arzìyòlɛ i ma wurza ò tenì ya mbòwà ndɛnɛ rzi ja ɛndɛ ò rzàawà ya mòrzò, i ma ɔ̀ŋgɛ̀lɛ̀ nanù ema jò ùŋmànɛ̀lɛ̀ èki ema wònyà Yudà hwa kànɛlɛlɛ aŋga. I ma lìya aŋga na hwalanà ema i ma ùŋmànɛ̀lɛ̀ hwa arzàŋgànɛ aŋga rzìi i wòteyà lì tuhwa mendeŋga na wɔ.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”