Lukàrzɛ̀ 4:18 - Mokpwe: Bakwery (New Testament)

¹⁸ “Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 4:18 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 12:18

“Ɔ̀ŋgɔ tɛ, e mògbèèlì wa ami ònò ema na hvɔ̀rzì, na mò lìŋgàni, ndèŋgànɛ̀lɛ̀ a nò lìŋgìrzɛ. Nà ò òma èlìŋgɛ̀ ya ami e ò hwɛ na mɔ̀. A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.

Matiyò 12:20

A rza ò kakòhwa ɛ̀kɔ̀kɔ̀ ema e ma hwɛndeya, ndèŋgànà a rza ò lìmìrzɛ̀ ètùlù ema e arza lì lìmà. A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.

Matiyò 4:16

Hwatò ema hwa hwèlì ò jììtìtì, hwa ɛnɛ ŋmàye mòndɛnɛ̀; Hwatò ema hwa kòmbɛ̀nɛ̀ è kpelì hwa mà luwa li arzùŋgɛ̀.”

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Lukàrzɛ̀ 4:17

À ma tɛtirzɛhwɛ yòwò ya mòtìlà mò ama è Mòòhwèlì wà Èlìŋgɛ̀ Àyìrzayà. A mà e wuluwe, rzìi a ɛnɛ èki ema e tìlahwi nanù ema,

Lukàrzɛ̀ 6:20

Yerzù à mà ɔ̀ŋgɔ hwà-òkòwèlì hwa eni rzìi a hwa òhweyà nanù ema, “Mònàmɛ̀ mò hwɛ nà inyɔ mèlìrza me hwatò èhwanja è hwèlì ò rze yà Lìkànèyà là ama Lohwɛ̀.

Lukàrzɛ̀ 7:22

Yerzù à mà tìmbìrzɛ̀lɛ̀ hwà-òkòwèlì hwa ama Yòwanìrzɛ̀ nanù ema, “È tìmbè e òhweyà Yòwanìrzɛ̀ mamɛ ema e ɛnì nà mamɛ ema e hweyi. È mò òhweyà nanù ema, hwatò ema hwà mà hwɛ ndima hwa ɛnɛ̀, è wɔ̀ hvɛ ema hwà mà hwɛ mbòkò wɔ̀ hvɛ hwa ɛ̀ndɛ, hwaŋga hwatò hvɛ ema hwà mà hwɛ̀nɛ̀ e nyàmbɛ ya mɛ̀lɔ̀ŋgɔ̀ wɔ̀ hvɛ hwà mà tànìrzɛ̀hwɛ̀. Hwàŋga hwatò hwa hwètòòtò wɔ̀ hvɛ hwa hweya, è wɔ̀ hwa ŋwelì hwa tìmbì hvɛ ò lòŋgɛ, ndèŋgànɛlɛ Ŋmɛ̀ndì mò Gbamù mò òhwàyɛ̀lɛ̀hwɛ̀yi mèlìrzà me hwatò.

Yòwanìrzɛ̀ 1:41

Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 4:26

Ì Kìŋgɛ jà anu rze ì wòŋgirzɛnɛ, ndèŋgànɛ̀lɛ̀ hwàkànèlì hwa arzɛ wɔ̀ hvɛ hwa hwà arzaŋganɛ ò hwèlìyelì ò lì teŋgɛ̀nɛ̀ Rzàŋgò Lohwɛ̀ nà ò lì teŋgɛ̀nɛ̀ è Mɔ̀ ema à Ɔ̀kirzɛ̀hwɛ̀yi.’

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.