Lukàrzɛ̀ 4:17 - Mokpwe: Bakwery (New Testament)

¹⁷ À ma tɛtirzɛhwɛ yòwò ya mòtìlà mò ama è Mòòhwèlì wà Èlìŋgɛ̀ Àyìrzayà. A mà e wuluwe, rzìi a ɛnɛ èki ema e tìlahwi nanù ema,

Lukàrzɛ̀ 4:17 Mawu Ofanana

Lukàrzɛ̀ 16:29

Abràhamù rzìi a mò òhweyà nanù ema, ‘Wɔ̀ hwa òhvì hwetìlelì hwe ama Mòrzè nà hwetìlelì hwe hwà-òhwèlì hwa hwèlìŋgɛ̀. Ìnyɛ̀ hwa òkànèyà mamɛ ema e ma màa lì tìlahwa aŋga.’

Lukàrzɛ̀ 20:42

Rzeke Kiŋgɛ Dàhwitì, ŋmitɛ-ŋmitɛ, à òhwi ò tenì ya e kaàtì yà Mɛ̀rzɔ̀kɔ̀ nanù ema, ‘Rzàŋgò Lohwɛ̀ a òhwèlì Rzàŋgò wa ami nanù ema, Lìya ò èhvàrzù ya ami yà lìya là mòmɛ̀,

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 4:20

Nà òma Yerzù a ma kulɛ lì laŋga, rzìi a lìŋgɛ̀lɛ̀ èŋge yòwò ya mòtìlà, a e timbirzɛlɛlɛ è Mòkànèlì wà è ndawò yà màkanɛ̀, rzìi a lìya ò rze. Hwatò hwa arzɛ ema hwà mà hwɛ aŋga, hwa mà mò rzòkɛ mìirzɔ̀ hvɛ̀nyɛ-hvɛ̀nyɛ.

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 7:42

Aŋga ndi Lohwɛ̀ à mà hwa kumbɛlɛlɛ e mburza rzi a hwa hwɛmɛ ò lì kanɛ̀ iŋginyà ema i hwèlì ò lìwòhwɛ̀ là ŋmanyu. È ma gbèyɛnɛ na òma e tìlahwì ò kààtì ya hwà-òhwèlì hwa hwèlìŋgɛ nanù ema, ‘Hwàtò hwa Irzàyɛ̀lì imba ndi e ma rziikeya na lì tumbɛlɛlɛ hwèembè ò lì ŋgba jàhwèyà e hvònda ema e ma hwɛ ò mòrzanjɛ ò mènìmenì me meya e?