Lukàrzɛ̀ 3:22 - Mokpwe: Bakwery (New Testament)

²² Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Lukàrzɛ̀ 3:22 Mawu Ofanana

Matiyò 12:18

“Ɔ̀ŋgɔ tɛ, e mògbèèlì wa ami ònò ema na hvɔ̀rzì, na mò lìŋgàni, ndèŋgànɛ̀lɛ̀ a nò lìŋgìrzɛ. Nà ò òma èlìŋgɛ̀ ya ami e ò hwɛ na mɔ̀. A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 27:43

À lòkɛ̀yì nanù ema Lohwɛ̀ a hwèlì na mɔ̀ ndèŋgànɛ̀lɛ̀ hvɛ a hwèlì ndi è Ŋmanà wà amà Lohwɛ̀. Òole! Inyɛ̀ Lohwɛ̀ a mò òŋgòwane rzɔ naŋgɛ inyɛ jɛ̀ɛ̀ ɛnɛ.”

Matiyò 3:13

Naŋgɛ Yerzù à mà uhwɛ̀lɛ̀lɛ ò erzòòkà ya Galìli à ɛndɛ òma Yòwanìrzɛ̀ ò mòrzò mò Jɔdànì aŋga nanù à mò lùhwìrzɛ̀.

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Makòrzì 1:11

Lìlò lì uwɛ̀lɛ̀lɛ̀ ò ŋmanyu yà lohwà rzìi lì òhwa nanù ema, “O wà ndì ò hwèlì è Ŋmanà wà amì wà ndìŋgɛ yà màlìŋgò, nà òki mɔ̀nyɛ̀ŋgì nà ò wà rzayì-rzayì.”

Makòrzì 1:9

Èŋge hvònda Yerzù mɔ̀ à mà uhwɛlɛlɛ ndi ò mbòwà yà Nàrzàrɛ̀tì ò erzòòkà yà Galìlì, rzìi à lùhwìrzɛ̀hwɛ̀ nà Yòwanìrzɛ̀ è Mòlùhwìrzèlì, ò mòrzò mò Jɔdànì.

Makòrzì 9:7

Lìwòkìmɛnɛ lìmbàkì lì mà hwa lìŋga rzìi hwa hweyà lìlò lì òhwà ò tenì yà lìmbàkì nanù ema, “È Ŋmanà wa ami wa ndiŋgɛ ya màlìŋgò ònò e mò hweyàne.”

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Lukàrzɛ̀ 4:21

Rzìi à wòteya lì hwa òhweyà nanù ema, “Ène mbɔrzi ema e hweyi nanù, e ma òndìrzɛ̀hwɛ yàwònò.”

Yòwanìrzɛ̀ 1:32

Yòwanirzɛ rzìi à mò tɛ̀meyà mbòŋgi à òhwa nanù ema, “Nà mà ɛnɛ èlìŋgɛ̀ yà wòtani è uwɛlɛlɛ ò ŋmanyu yà lohwà nàa mbeŋga rzìi è tɛ̀mɛ̀ ò ŋmanyu yà eni.

Yòwanìrzɛ̀ 12:28

Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”

Yòwanìrzɛ̀ 5:37

Tatɛ̀ wa ami ema a nò òmi, mɔ̀ ŋmìti hvɛ a nò tɛmelì mbòŋgi. Inyɔ e rzi hweyi lìlò la eni tɔ̀ lì mò ɛnɛ.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

1 Pètrò 2:4

Inyɔ e jèeya e Rzàŋgo, Mɔ̀ ema a hwèlì ndi nàa lìŋyàyi la lòŋgɛ ema hwà-òŋgèlì hwà mà lììyè, rzìi Lohwɛ̀ a ɛnɛ nanù ema lì hvomɛ̀nɛ̀yi, a lì hvɔ̀rzɔ̀wɔ̀ rzìi a lì uta.